ಗುಂಡ್ಯ ಕಾಡು ಮೇಡುಗಳಲ್ಲಿ ಅಲೆದಾಡುತ್ತಿದ್ದ ಭಿನ್ನ ಕೋಮಿನ ಜೋಡಿ ಪತ್ತೆ

Team Udayavani, Apr 6, 2022, 11:42 AM IST

ಉಪ್ಪಿನಂಗಡಿ: ವೇಣೂರು ಮೂಲದ ಹಿಂದೂ ಯುವತಿಯೋರ್ವಳನ್ನು ಪುತ್ತೂರು ಮೂಲದ ನಝೀರ್‌ ತನ್ನ ರಿಕ್ಷಾದಲ್ಲಿ ಗುಂಡ್ಯ ಪರಿಸರದ ಕಾಡು ಮೇಡುಗಳಲ್ಲಿ ಅಲೆದಾಡಿಸುತ್ತಿದ್ದ ಪ್ರಕರಣದಲ್ಲಿ ಸ್ಥಳೀಯರು ರಿಕ್ಷಾ ಚಾಲಕ ಹಾಗೂ ಯುವತಿಯನ್ನು ಪೊಲೀಸರಿಗೊಪ್ಪಿಸಿದ ಘಟನೆ ಮಂಗಳವಾರ ನಡೆದಿದೆ. ಘಟನೆಗೆ ಸಂಬಂಧಿಸಿದ ಫೋಟೋಗಳು ಮತ್ತು ವಿಡಿಯೋಗಳು ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗಿವೆ.

ಯುವತಿಯನ್ನು ಕಾಡಿನ ಪರಿಸರ ದಲ್ಲಿ ಅಲೆದಾಡಿಸುತ್ತಿದ್ದುದನ್ನು ಕಂಡು ಸ್ಥಳೀಯರು ವಿಚಾರಿಸಿದಾಗ ಅಸಂಬದ್ಧ ಉತ್ತರ ನೀಡಿದ ಹಿನ್ನೆಲೆಯಲ್ಲಿ ಅವರಿಬ್ಬರನ್ನು ಪೊಲೀಸರಿಗೆ ಒಪ್ಪಿಸಲಾಗಿದೆ.

ಹಲ್ಲೆ ಆರೋಪ
ವಶಕ್ಕೆ ತಾನು ಪ್ರೀತಿಸುತ್ತಿರುವ ಯುವತಿ ಜತೆ ರಿಕ್ಷಾದಲ್ಲಿ ಹೋಗುತ್ತಿದ್ದಾಗ ತಡೆದು ಹಲ್ಲೆ ನಡೆಸಲಾಗಿದೆ. ತನಗೆ ಬೆದರಿಕೆ ಹಾಕಿ ಮುಖಕ್ಕೆ, ತಲೆಗೆ ಹಲ್ಲೆ ನಡೆಸಿದ್ದಲ್ಲದೆ, ಪಕ್ಕದ ಪೊದೆಯಿಂದ ಬೆತ್ತ ತಂದು ಹೊಡೆದಿದ್ದಾರೆ ಎಂದು ನಝೀರ್‌ ದೂರು ನೀಡಿದ್ದಾರೆ. ಇದಕ್ಕೆ ಸಂಬಂಧಿಸಿ ಪೊಲೀಸರು ಬಾಲಚಂದ್ರ ಮತ್ತು ರಂಜಿತ್‌ ಅವರನ್ನು ವಶಕ್ಕೆ ಪಡೆದಿದ್ದಾರೆ.