ನಿಷೇಧ ಮುಗಿಸಿ ಬಂದ ರಾಸಿಖ್‌ ಖಾನ್‌

Team Udayavani, Apr 8, 2022, 6:55 AM IST

ಪುಣೆ: ಮುಂಬೈ-ಕೆಕೆಆರ್‌ ನಡುವಿನ ಮುಖಾಮುಖೀಯಲ್ಲಿ ಕೇವಲ ಪ್ಯಾಟ್‌ ಕಮಿನ್ಸ್‌, ಡೇನಿಯಲ್‌ ಸ್ಯಾಮ್ಸ್‌ ಮಾತ್ರ ಸುದ್ದಿಯಾಗಿಲ್ಲ, ಜಮ್ಮು ಕಾಶ್ಮೀರದ ಮಧ್ಯಮ ವೇಗಿ ರಾಸಿಖ್‌ ಸಲಾಂ ಖಾನ್‌ ಕೂಡ ಗಮನ ಸೆಳೆದಿದ್ದಾರೆ. ಅವರು 3 ವರ್ಷಗಳ ಬಳಿಕ ಐಪಿಎಲ್‌ನಲ್ಲಿ ಮೊದಲ ಪಂದ್ಯವಾಡಿದರು!

ಕೆಕೆಆರ್‌ ತಂಡದ ಸದಸ್ಯ ರಾಗಿರುವ ರಾಸಿಖ್‌, ಉಮೇಶ್‌ ಯಾದವ್‌ ಅವ ರೊಂದಿಗೆ ಬೌಲಿಂಗ್‌ ಆರಂಭಿಸಿದರು. 2019ರಲ್ಲಿ ಮುಂಬೈ ಪರ ಆಡಿದ್ದ ರಾಸಿಖ್‌, ಈ ಬಾರಿ ಮುಂಬೈ ವಿರುದ್ಧ ಆಡುವ ಮೂಲಕ ಐಪಿಎಲ್‌ನ ದ್ವಿತೀಯ ಇನ್ನಿಂಗ್ಸ್‌ ಆಡಿದರು. 3 ಓವರ್‌ಗಳಲ್ಲಿ ಕೇವಲ 18 ರನ್‌ ನೀಡಿ ಗಮನಾರ್ಹ ಪ್ರದರ್ಶನವಿತ್ತರು.

ಅಂದಹಾಗೆ, ರಾಸಿಖ್‌ ಖಾನ್‌ ಅವರ “ಐಪಿಎಲ್‌ ಮಿಸ್ಸಿಂಗ್‌’ಗೆ ಬಲ ವಾದ ಕಾರಣವಿದೆ. 2019ರಲ್ಲಿ ತಮ್ಮ ಜನನ ಪ್ರಮಾಣಪತ್ರದಲ್ಲಿ ಮೋಸ ಮಾಡಿದ ಪ್ರಕರಣವೊಂದರಲ್ಲಿ ರಾಸಿಖ್‌ ಖಾನ್‌ ಅವರನ್ನು ಬಿಸಿಸಿಐ 2 ವರ್ಷಗಳ ಕಾಲ ನಿಷೇಧಿಸಿತ್ತು. ಹೀಗಾಗಿ ಅವರನ್ನು ಅಂಡರ್‌-19 ತಂಡದಿಂದ ಕೈಬಿಡಲಾಯಿತು. ನಿಷೇಧದಿಂದಾಗಿ ರಾಸಿಖ್‌ಗೆ ಐಪಿಎಲ್‌ ಬಾಗಿಲು ಕೂಡ ಮುಚ್ಚಲ್ಪಟ್ಟಿತ್ತು. ಈ ಬಾರಿಯ ಮೆಗಾ ಹರಾಜಿನಲ್ಲಿ ರಾಸಿಖ್‌ ಖಾನ್‌ ಅವರನ್ನು ಕೆಕೆಆರ್‌ 20 ಲಕ್ಷ ರೂ. ಮೂಲ ಬೆಲೆಗೆ ಖರೀದಿಸಿತ್ತು.