ಮೋದಿಯ ಇಷ್ಟದ ಅಡುಗೆ ತಯಾರಿಸಿದ ಆಸ್ಟ್ರೇಲಿಯಾ ಪ್ರಧಾನಿ

Team Udayavani, Apr 10, 2022, 9:30 PM IST

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯವರಿಗೆ ಯಾರ್ಯಾರೋ ಎಂತೆಂಥಧ್ದೋ ಉಡುಗೊರೆ ಕೊಡುವುದುಂಟು. ಆದರೆ ಆಸ್ಟ್ರೇಲಿಯಾ ಪ್ರಧಾನಿ ಇತ್ತೀಚೆಗೆ ಮೋದಿಯವರಿಗೆ ಕೊಟ್ಟ ಉಡುಗೊರೆ ಅತ್ಯಂತ ವಿಶೇಷವಾಗಿತ್ತು. ಹೌದು.

ಇತ್ತೀಚೆಗೆ ಆಸ್ಟ್ರೇಲಿಯಾ ಮತ್ತು ಭಾರತದ ನಡುವೆ ನಡೆದ ಒಪ್ಪಂದವೊಂದು ನಡೆದಿತ್ತು. ಅದರ ಖುಷಿಗಾಗಿ ಆಸ್ಟ್ರೇಲಿಯಾ ಪ್ರಧಾನಿ ಸ್ಕಾಟ್‌ ಮಾರಿಸನ್‌ ಅವರು, ಭಾರತದ ಪ್ರಧಾನಿ ಮೋದಿ ಅವರ ಊರಾದ ಗುಜರಾತ್‌ನ ವಿಶೇಷ ದಾಲ್‌ ಕಿಚಡಿ ತಯಾರಿಸಿದ್ದಾರೆ.

ತಮ್ಮ ಕೈಯ್ಯಾರೆ ಖಾದ್ಯ ತಯಾರಿಸಿದ ಫೋಟೋ ಹಂಚಿಕೊಂಡಿರುವ ಅವರು, “ನನ್ನ ಪ್ರೀತಿಯ ಸ್ನೇಹಿತ ಮೋದಿಗಾಗಿ ಅವರದ್ದೇ ಊರಿನ ಖಾದ್ಯ ತಯಾರಿಸಿರುವೆ’ ಎಂದು ಬರೆದುಕೊಂಡಿದ್ದಾರೆ. ಸ್ಕಾಟ್‌ ಅವರ ಮೋದಿ ಪ್ರೀತಿಯನ್ನು ನೆಟ್ಟಿಗರು ಹೊಗಳಲಾರಂಭಿಸಿದ್ದಾರೆ.