ಇತಿಹಾಸ ಬರೆದ ಕೆಜಿಎಫ್ 2: ಐದೇ ದಿನದಲ್ಲಿ 200 ಕೋಟಿ ರೂ. ಬಾಚಿದ ಹಿಂದಿ ವರ್ಷನ್

Team Udayavani, Apr 18, 2022, 3:51 PM IST

ರಾಕಿಂಗ್ ಸ್ಟಾರ್ ಯಶ್ ಮುಖ್ಯಪಾತ್ರದಲ್ಲಿ ನಟಿಸಿರುವ ‘ಕೆಜಿಎಫ್ ಚಾಪ್ಟರ್ 2’ ಚಿತ್ರವು ಬಾಕ್ಸ್ ಆಫೀಸ್ ನಲ್ಲಿ ದಿನಕ್ಕೊಂದು ದಾಖಲೆ ಬರೆಯುತ್ತಿದೆ. ಅದರಲ್ಲೂ ‘ಕೆಜಿಎಫ್ ಚಾಪ್ಟರ್ 2’ ಚಿತ್ರದ ಹಿಂದಿ ವರ್ಷನ್ ಅಭೂತಪೂರ್ವ ಯಶಸ್ಸು ಸಾಧಿಸಿದ್ದು, ಕೇವಲ ಐದೇ ದಿನದಲ್ಲಿ 200 ಕೋಟಿ ರೂ ಬಾಚಿಕೊಳ್ಳಲಿದೆ ಎಂದು ವರದಿಯಾಗಿದೆ.

ಬಾಲಿವುಡ್ ಅನಲಿಸ್ಟ್ ತರಣ್ ಆದರ್ಶ್ ಪ್ರಕಾರ ಕೆಜಿಎಫ್ 2 ಬಿಡುಗಡೆಯಾಗಿ ಐದನೇ ದಿನವೇ (ಸೋಮವಾರ) 200 ಕೋಟಿ ಕ್ಲಬ್ ಸೇರಲಿದೆ. ಮೊದಲ ನಾಲ್ಕು ದಿನದಲ್ಲಿ ಚಿತ್ರದ ಹಿಂದಿ ವರ್ಷನ್ 193.99 ಕೋಟಿ ರೂ ಗಳಿಸಿದ್ದು, ಸೋಮವಾರ 200 ಕೋಟಿ ರೂ. ಗಡಿ ದಾಟಲಿದೆ.

ಇದನ್ನೂ ಓದಿ:ಐಪಿಎಲ್ ಮೇಲೆ ಕೋವಿಡ್ ಕರಿಛಾಯೆ; ಡೆಲ್ಲಿ ಪಾಳಯದಲ್ಲಿ ಮತ್ತಿಬ್ಬರಿಗೆ ಸೋಂಕು ದೃಢ!

ಪ್ರಶಾಂತ್ ನೀಲ್ ನಿರ್ದೇಶನದ ಚಿತ್ರದ ಹಿಂದಿ ವರ್ಷನ್ ಮೊದಲ ದಿನ 53.95 ಕೋಟಿ, ಎರಡನೇ ದಿನ 46.79 ಕೋಟಿ, ಮೂರನೇ ದಿನ 42.90 ಕೋಟಿ ಮತ್ತು ನಾಲ್ಕನೇ ದಿನದಲ್ಲಿ 50.35 ಕೋಟಿ ರೂ ಗಳಿಸಿದೆ.

ಈ ಮೂಲಕ ಸ್ಟಾರ್ ನಿರ್ದೇಶಕ ಎಸ್.ಎಸ್.ರಾಜಮೌಳಿ ಅವರ ಬಾಹುಬಲಿ 2 ಚಿತ್ರದ ದಾಖಲೆಯನ್ನು ‘ಕೆಜಿಎಫ್ ಚಾಪ್ಟರ್ 2’ ಮುರಿಯಲಿದೆ. ಬಾಹುಬಲಿ 2 ಚಿತ್ರವು ಆರು ದಿನದಲ್ಲಿ 200 ಕೋಟಿ ಕ್ಲಬ್ ಸೇರಿತ್ತು.

R#KGF2 CREATES HISTORY AGAIN… FASTEST TO ENTER ₹ 200 CR CLUB…
⭐ #KGFChapter2: Will cross ₹ 200 cr today [Mon, Day 5]
⭐ #Baahubali2: Day 6#KGF2 is REWRITING RECORD BOOKS… Thu 53.95 cr, Fri 46.79 cr, Sat 42.90 cr, Sun 50.35 cr. Total: ₹ 193.99 cr. #India biz. #Hindi. pic.twitter.com/ysKnW2zIuV

— taran adarsh (@taran_adarsh) April 18, 2022

ಹೊಂಬಾಳೆ ಫಿಲಂಸ್ ಬ್ಯಾನರಿನಲ್ಲಿ ವಿಜಯ್ ಕಿರಗಂದೂರು ನಿರ್ಮಿಸಿದ ಕೆಜಿಎಫ್ ಚಾಪ್ಟರ್ 2 ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶಿಸಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್, ಶ್ರೀನಿಧಿ ಶೆಟ್ಟಿ, ಸಂಜಯ್ ದತ್, ರವೀನಾ ಟಂಡನ್ ಮುಖ್ಯಪಾತ್ರಗಳಲ್ಲಿ ನಟಿಸಿದ್ದಾರೆ.