ಮಾಜಿ ಕ್ರಿಕೆಟಿಗ 66 ರ ಹರೆಯದ ಅರುಣ್ ಲಾಲ್ ಗೆ 38 ವರ್ಷದ ಟೀಚರ್ ಜತೆ ಮದುವೆ

Team Udayavani, Apr 25, 2022, 6:02 PM IST

ಕೋಲ್ಕತಾ : ಭಾರತದ ಮಾಜಿ ಕ್ರಿಕೆಟಿಗ ಅರುಣ್ ಲಾಲ್ ತಮ್ಮ ಬಹುಕಾಲದ ಗೆಳೆತಿ ಬುಲ್ ಬುಲ್ ಸಹಾ ಅವರನ್ನು ಮದುವೆಯಾಗಲು ಸಿದ್ಧರಾಗಿದ್ದಾರೆ.

66 ವರ್ಷ ವಯಸ್ಸಿನ ಪಶ್ಚಿಮ ಬಂಗಾಳದ ಮುಖ್ಯ ಕೋಚ್ 2022 ರ ಮೇ 2 ರಂದು ಖಾಸಗಿ ಸಮಾರಂಭದಲ್ಲಿ 38 ವರ್ಷ ವಯಸ್ಸಿನ ಶಿಕ್ಷಕಿಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸುವ ನಿರೀಕ್ಷೆಯಿದೆ.

ವರದಿಗಳ ಪ್ರಕಾರ, ಲಾಲ್ ಮತ್ತು ಸಹಾ ಬಹಳ ಸಮಯದಿಂದ ಸಂಬಂಧದಲ್ಲಿದ್ದು, ಲಾಲ್ ಅವರು ಮೊದಲ ಪತ್ನಿ ರೀನಾ ಅವರಿಂದ ಒಪ್ಪಿಗೆ ಪಡೆದ ನಂತರ ಮದುವೆಗೆ ಮುಂದಾಗಿದ್ದಾರೆ. ದೆಹಲಿ ಪರ ದೇಶೀಯ ಕ್ರಿಕೆಟ್‌ನಲ್ಲಿ ಆಡಿರುವ ಲಾಲ್, ವಿಚ್ಛೇದನ ಪಡೆದಿದ್ದಾರೆ ಆದರೆ ಆರೋಗ್ಯ ಸಮಸ್ಯೆಗಳೊಂದಿಗೆ ಹೋರಾಡುತ್ತಿರುವ ಮೊದಲ ಪತ್ನಿಯೊಂದಿಗೆ ವಾಸಿಸುತ್ತಿದ್ದಾರೆ.

ಅಂತರ್ಜಾಲದಲ್ಲಿ ಹರಿದಾಡುತ್ತಿರುವ ವಿವಾಹದ ಆಮಂತ್ರಣಗಳ ಚಿತ್ರಗಳನ್ನು ನಂಬುವುದಾದರೆ, ಅರುಣ್ ಲಾಲ್ ಮತ್ತು ಬುಲ್ ಬುಲ್ ಸಹಾ ಮುಂದಿನ ತಿಂಗಳ ಆರಂಭದಲ್ಲಿ ಕೋಲ್ಕತಾದ ಪೀರ್‌ಲೆಸ್ ಇನ್ ಎಸ್‌ಪ್ಲೇನೇಡ್‌ನಲ್ಲಿ ಮದುವೆಯಾಗಲಿದ್ದಾರೆ.