‘ಐ ಯಾಮ್‌ ಆರ್‌’ ಎಂಬ ಗ್ಯಾಂಗ್‌ಸ್ಟಾರ್‌

Team Udayavani, Apr 26, 2022, 12:57 PM IST

ಉಪೇಂದ್ರ ಹಾಗೂ ನಿರ್ದೇಶಕ ರಾಮ್‌ಗೋಪಾಲ್‌ ವರ್ಮಾ ಕಾಂಬಿನೇಶನ್‌ನಲ್ಲಿ ಹೊಸ ಚಿತ್ರವೊಂದು ಆರಂಭವಾಗಿದೆ. ಆ ಚಿತ್ರದ ಟೈಟಲ್‌ ಬಿಡುಗಡೆಯಾಗಿದ್ದು, “ಐ ಯಾಮ್‌ ಆರ್‌’ ಎಂದಿಡಲಾಗಿದೆ. ಇದು ಗ್ಯಾಂಗ್‌ಸ್ಟಾರ್‌ ಸ್ಟೋರಿಯಾಗಿದ್ದು, ಇಬ್ಬರು ವಿಭಿನ್ನ ಚಿಂತನೆಯ ವ್ಯಕ್ತಿಗಳು ಈ ಮೂಲಕ ಒಟ್ಟಾಗಿದ್ದಾರೆ.

ಮೂಲಗಳ ಪ್ರಕಾರ, ಚಿತ್ರದಲ್ಲಿ ಮುತ್ತಪ್ಪ ರೈ ಅವರ ಜೀವನ ಕಥೆಯನ್ನಾಧರಿಸಿ ಈ ಸಿನಿಮಾ ಮಾಡಲಾಗುತ್ತಿದೆ. ಹಾಗಾಗಿ ಈ ಟೈಟಲ್‌ ಅನ್ನು ನೀವು “ಐಯಾಮ್‌ ಎಂಆರ್‌’ ಎಂದು ಓದಿಕೊಳ್ಳಬಹುದು. ಈ ಚಿತ್ರವನ್ನು ರಾಜ್‌ ಯಜಮಾನ್‌ ನಿರ್ಮಿಸುತ್ತಿದ್ದಾರೆ.

ಇದನ್ನೂ ಓದಿ:‘ಕಸ್ತೂರಿ ಮಹಲ್‌’ನಲ್ಲಿ ಕನಸು ನನಸಾಯ್ತು: ಶಾನ್ವಿ ಶ್ರೀವಾಸ್ತವ್‌

ಚಿತ್ರದ ಟೈಟಲ್‌ ರಿಲೀಸ್‌ಗೆ ಅತಿಥಿಯಾಗಿ ಆಗಮಿಸಿದ ಸುದೀಪ್‌, ರಾಮ್‌ಗೋಪಾಲ್‌ ವರ್ಮಾ ಹಾಗೂ ಉಪೇಂದ್ರ ಬಗ್ಗೆ ಮಾತನಾಡಿದರು. “ಈ ಇಬ್ಬರು ನಿರ್ದೇಶಕರು ನನ್ನ ಜೀವನದಲ್ಲಿ ಪ್ರಮುಖ ಪಾತ್ರ ವಹಿಸಿದವರು. ನಿರ್ದೇಶಕನಾದರೆ ಸಾಕು ಎಂದುಕೊಂಡಿದ್ದ ನನ್ನನ್ನು ಹೀರೋ ಆಗಿ ಎಂದು ಪ್ರೇರೇಪಿಸಿದವರು ಉಪೇಂದ್ರ. ಇನ್ನು, ರಾಮ್‌ಗೋಪಾಲ್‌ ವರ್ಮಾ ಅವರು ಬಾಲಿವುಡ್‌ನಲ್ಲಿ ನಟನೆಗೆ ಅವಕಾಶ ಕೊಟ್ಟು, ಹೊಸ ಹಾದಿಗೆ ನಾಂದಿಯಾಡಿದವರು’ ಎಂದರು. ಜೊತೆಗೆ ಇಬ್ಬರ ಹೊಸ ಸಿನಿಮಾದಲ್ಲಿ ನಾನಿಲ್ಲವಲ್ಲ ಎನ್ನುತ್ತಾ ನಗೆಚಟಾಕಿ ಹಾರಿಸಿದರು