‘ವಾಮನ’ ಕನ್ನಡ ಸಿನಿಮಾದ ನಾಯಕಿಯಾಗಿ ಪುತ್ತೂರಿನ ರಚನಾ ರೈ

Team Udayavani, Apr 29, 2022, 8:28 PM IST

ಪುತ್ತೂರು: ಪುತ್ತೂರಿನ ಯುವ ಪ್ರತಿಭೆ ರಚನಾ ರೈ ಕನ್ನಡ ಸಿನೆಮಾದ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಸರ್ಕಸ್’ ತುಳು ಸಿನೆಮಾ ನಟನೆಯ ಬಳಿಕ ಸ್ಯಾಂಡಲ್ ವುಡ್ ನಟ ಧನ್ವಿರ್ ನಾಯಕ ನಟರಾಗಿರುವ ‘ವಾಮನ’ ಸಿನೆಮಾದಲ್ಲಿ ನಾಯಕಿ ಸ್ಥಾನದಲ್ಲಿ ಕಾಣಿಸಿಕೊಳ್ಳತ್ತಿದ್ದಾರೆ.

ಹಾರಾಡಿ ಶಾಲಾ ಶಿಕ್ಷಕಿಯಾಗಿರುವ ಗಂಗಾ ರೈ ಹಾಗೂ ಪ್ರವೀಣ್ ದಂಪತಿಗಳ ಪುತ್ರಿಯಾಗಿರುವ ರಚನಾ ರೈ ಅವರು ಪತ್ರಿಕೋದ್ಯಮ ಪದವೀಧರೆ. ಉಜಿರೆ ಎಸ್.ಡಿ.ಎಂ ಕಾಲೇಜಿನಲ್ಲಿ ಪಿಯುಸಿ ಹಾಗೂ ಪುತ್ತೂರಿನ ವಿವೇಕಾನಂದ ಪದವಿ ಕಾಲೇಜಿನಲ್ಲಿ ಪದವಿ ಶಿಕ್ಷಣವನ್ನು ಪಡೆದಿದ್ದಾರೆ. ಮಾಡೆಲಿಂಗ್‌ನಲ್ಲಿ ಭಾಗವಹಿಸುವ ಹವ್ಯಾಸ ಹೊಂದಿದ್ದಾರೆ. ಈಕೆ ಪದವಿ ವ್ಯಾಸಂಗದ ಸಂದರ್ಭದಲ್ಲಿ ಶ್ವಾನಗಳ ಕುರಿತಾಗಿ ‘ಓ ಮೈ ಡಾಗ್’ ಎಂಬ ಕೃತಿ ರಚಿಸಿದ್ದಾರೆ.

ಇದು ಕನ್ನಡದಲ್ಲಿ ನಾಯಕಿ ನಟಿಯಾಗಿ ನಟಿಸುತ್ತಿರುವ ಮೊದಲ ಸಿನೆಮಾ‌. ಮೊದಲ ಹಂತದ ಚಿತ್ರೀಕರಣ ಪೂರ್ಣಗೊಂಡಿದ್ದು ಉತ್ತಮ ಚಿತ್ರವಾಗಿ ಮೂಡಿಬರಲಿದೆ ಎಂದು ರಚನಾ ರೈ ಉದಯವಾಣಿ ಜತೆ ಅನಿಸಿಕೆ ಹಂಚಿಕೊಂಡಿದ್ದಾರೆ.