ಮುಖ್ಯಸ್ಥರು ಒಂದೇ ಬ್ಯಾಚ್‌ನವರು!

Team Udayavani, May 2, 2022, 6:30 AM IST

ಹೊಸದಿಲ್ಲಿ: ಭಾರತೀಯ ಸೇನೆಯ ಮುಖ್ಯಸ್ಥರಾಗಿ ಜನರಲ್‌ ಮನೋಜ್‌ ಪಾಂಡೆ ಅವರು ಶನಿವಾರ ಅಧಿಕಾರ ಸ್ವೀಕರಿಸಿದ್ದಾರೆ. ಅವರು ವಾಯುಪಡೆಯ ಮುಖ್ಯಸ್ಥರಾದ ಏರ್‌ ಚೀಫ್ ಮಾರ್ಷಲ್‌ ವಿ.ಆರ್‌.ಚೌಧರಿ ಮತ್ತು ನೌಕಾಪಡೆಯ ಮುಖ್ಯಸ್ಥರಾದ ಅಡ್ಮಿರಲ್‌ ಆರ್‌.ಹರಿಕುಮಾರ್‌ ಅವರೊಂದಿಗೆ ನಿಂತಿರುವ ಫೋಟೋವನ್ನು ಭೂಸೇನೆಯ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದೆ.

ವಿಶೇಷವೆಂದರೆ ಈ ಮೂವರೂ ಮುಖ್ಯ ಸ್ಥರು ರಾಷ್ಟ್ರೀಯ ರಕ್ಷಣ ಅಕಾಡೆಮಿ(ಎನ್‌ಡಿಎ) ಕೋರ್ಸ್‌ನ 61ನೇ ಬ್ಯಾಚ್‌ನವರಾಗಿ ದ್ದಾರೆ. ಮೂವರು ಹಲವು ವರ್ಷಗಳಿಂದ ಸ್ನೇಹದಲ್ಲಿರುವುದರಿಂದಾಗಿ ಮೂರೂ ಪಡೆಗಳ ನಡುವೆ ಸಮನ್ವಯ ಚೆನ್ನಾಗಿರಲಿದೆ ಎಂದು ಜ| ಮನೋಜ್‌ ಪಾಂಡೆ ಹೇಳಿದ್ದಾರೆ.

ಅಧಿಕಾರ ಸ್ವೀಕರಿಸಿದ ಲೆ| ಜ| ರಾಜು
ಹೊಸದಿಲ್ಲಿ: ಲೆಫ್ಟಿನೆಂಟ್‌ ಜನರಲ್‌, ಕರ್ನಾಟಕದ ಬಿ.ಎಸ್‌.ರಾಜು ಭಾರತೀಯ ಭೂಸೇನೆಯ ಉಪ ಮುಖ್ಯಸ್ಥರಾಗಿ ರವಿವಾರ ಅಧಿಕಾರ ಸ್ವೀಕರಿಸಿದ್ದಾರೆ. ಜನರಲ್‌ ಮನೋಜ್‌ ಪಾಂಡೆ ಅವರು ಭೂ ಸೇನೆಯ 29ನೇ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕರಿಸಿದ್ದರಿಂದ ರಾಜು ಅವರು ಭಡ್ತಿ ಪಡೆದಿದ್ದಾರೆ. ಈ ಹಿಂದೆ ರಾಜು ಅವರು ಭಾರತ-ಚೀನ ಗಡಿಯ ಎಲ್‌ಎಸಿಯಲ್ಲಿ ಡಿಜಿಎಂಒ ಆಗಿದ್ದಾರೆ.