ಟಿಎಂಸಿ ಗೋವಾ ಉಸ್ತುವಾರಿಯಾಗಿ ಮಾಜಿ ಕ್ರಿಕೆಟಿಗ ಕೀರ್ತಿ ಆಜಾದ್

Team Udayavani, May 4, 2022, 3:27 PM IST

ಕೋಲ್ಕತಾ: ಟಿಎಂಸಿ ಗೋವಾ ಘಟಕದ ನೂತನ ಉಸ್ತುವಾರಿಯಾಗಿ ಮಾಜಿ ಕ್ರಿಕೆಟಿಗ ಕೀರ್ತಿ ಆಜಾದ್ ಅವರನ್ನು ಬುಧವಾರ ನೇಮಿಸಿದೆ.

ರಾಜಕಾರಣಿಯಾಗಿದ್ದ ಆಜಾದ್ ಕಳೆದ ವರ್ಷ ಕಾಂಗ್ರೆಸ್‌ ತೊರೆದು ಟಿಎಂಸಿ ಸೇರ್ಪಡೆಯಾಗಿದ್ದರು. ಅವರು ಈ ಹಿಂದೆ ಬಿಹಾರದ ಬಿಜೆಪಿ ಸಂಸದರಾಗಿದ್ದರು.

ಗೋವಾ ಘಟಕದ ಉಸ್ತುವಾರಿಯಾಗಿದ್ದ ಟಿಎಂಸಿ ಸಂಸದ ಮಹುವಾ ಮೊಯಿತ್ರಾ ಅವರ ಬದಲಿಗೆ ಆಜಾದ್ ಅವರನ್ನು ನೇಮಿಸಲಾಗಿದೆ. ನೇಮಕಾತಿಯು ತಕ್ಷಣದಿಂದಲೇ ಜಾರಿಗೆ ಬರಲಿದೆ ಎಂದು ಪಕ್ಷದ ಪ್ರಕಟಣೆ ತಿಳಿಸಿದೆ.

ಈ ವರ್ಷದ ಆರಂಭದಲ್ಲಿ ರಾಜ್ಯದ ವಿಧಾನಸಭಾ ಚುನಾವಣೆಗೆ ಮುಂಚಿತವಾಗಿ ಟಿಎಂಸಿ ಕಾಂಗ್ರೆಸ್‌ನಿಂದ ಹಲವಾರು ಹಿರಿಯ ನಾಯಕರನ್ನು ಸೇರಿಸಿಕೊಂಡು, ಸ್ಥಳೀಯ ಪಕ್ಷ ಎಂ ಜಿಪಿ ಯೊಂದಿಗೆ ಮೈತ್ರಿ ಮಾಡಿಕೊಂಡಿದ್ದರೂ ಸಹ, ಅದು ಸ್ಥಾನಗಳನ್ನು ಗೆಲ್ಲುವಲ್ಲಿ ವಿಫಲವಾಗಿತ್ತು.