ತಾಜ್ ಮಹಲ್‌ ನ 22 ರಹಸ್ಯ ಕೋಣೆ ಬಾಗಿಲು ತೆರೆಯುವಂತೆ ಸಲ್ಲಿಸಿದ ಅರ್ಜಿ ವಜಾ

Team Udayavani, May 12, 2022, 3:49 PM IST

ಲಕ್ನೋ : ಅಲಹಾಬಾದ್ ಹೈಕೋರ್ಟ್‌ನ ಲಕ್ನೋ ಪೀಠವು ತಾಜ್ ಮಹಲ್‌ನಲ್ಲಿನ 22 ಮುಚ್ಚಿದ ಬಾಗಿಲುಗಳನ್ನು ತೆರೆಯುವಂತೆ ಕೋರಿ ಸಲ್ಲಿಸಿದ ಅರ್ಜಿಯನ್ನು ಗುರುವಾರ ತಿರಸ್ಕರಿಸಿದೆ.

ಆಗ್ರಾದ ತಾಜ್‌ಮಹಲ್‌ನಲ್ಲಿ ಹಿಂದೂ ವಿಗ್ರಹಗಳು ಮತ್ತು ಶಾಸನಗಳನ್ನು ಮರೆಮಾಡಲಾಗಿದೆಯೇ ಎಂದು ಕಂಡುಹಿಡಿಯಲು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆಗೆ ಕೊಠಡಿಗಳನ್ನು ತೆರೆಯುವಂತೆ ಕೋರಿ ಅಲಹಾಬಾದ್ ಹೈಕೋರ್ಟ್‌ನ ಲಕ್ನೋ ಪೀಠದಲ್ಲಿ ಅರ್ಜಿ ಸಲ್ಲಿಸಲಾಗಿತ್ತು.

ಇದನ್ನೂ ಓದಿ : ಜ್ಞಾನವಾಪಿ ಮಸೀದಿ ವಿಡಿಯೋ ಚಿತ್ರೀಕರಣಕ್ಕೆ ವಾರಾಣಸಿ ಕೋರ್ಟ್ ಆದೇಶ; ಮೇ 17 ಅಂತಿಮ ಗಡುವು

ರಾಜ್‌ಸಮಂದ್‌ನ ಬಿಜೆಪಿ ಸಂಸದೆ ಮತ್ತು ಜೈಪುರ ರಾಜಮನೆತನದ ದಿಯಾ ಕುಮಾರಿ ಅವರು ತಾಜ್‌ಮಹಲ್ ನಿರ್ಮಿಸಿದ ಭೂಮಿ ಹಿಂದಿನ ಜೈಪುರ ರಾಜಮನೆತನದ ಒಡೆತನದಲ್ಲಿದೆ ಎಂದು ಬುಧವಾರ ಹೇಳಿದ್ದರು. ಈ ಭೂಮಿ ಮೂಲತಃ ಜೈಪುರ ರಾಜಮನೆತನದ ಒಡೆತನದಲ್ಲಿದೆ ಎಂದು ಸಾಬೀತುಪಡಿಸಲು ದಾಖಲೆಗಳನ್ನು ಹೊಂದಿದ್ದೇವೆ, ಈ ಜಾಗವನ್ನು ನಂತರ ಅದನ್ನು ಮೊಘಲ್ ಚಕ್ರವರ್ತಿ ಷಹಜಹಾನ್ ವಶಪಡಿಸಿಕೊಂಡಿದ್ದ ಎಂದಿದ್ದರು.