ಸುರತ್ಕಲ್‌ ಬೀಚ್‌ನಲ್ಲಿ ಭಾರಿ ಪ್ರಮಾಣದ ತೈಲ ಜಿಡ್ಡು ಪತ್ತೆ

Team Udayavani, May 13, 2022, 11:59 AM IST

ಸುರತ್ಕಲ್: ಇಲ್ಲಿನ ದೊಡ್ಡಕೊಪ್ಪಲು ಸುರತ್ಕಲ್ ಬೀಚ್ ತೀರದಲ್ಲಿ ಶುಕ್ರವಾರ ಭಾರಿ ಪ್ರಮಾಣದಲ್ಲಿ ತೈಲ ಜಿಡ್ಡು ಕಂಡುಬಂದಿದೆ.

ಬೃಹತ್ ಹಡಗುಗಳು ಬಂದರು ತೀರ ಪ್ರದೇಶದಲ್ಲಿ ಲಂಗರು ಹಾಕಿದ ಸಂದರ್ಭ ತೈಲ ಜಿಡ್ಡಿನ ತ್ಯಾಜ್ಯಗಳನ್ನು ಸಮುದ್ರಕ್ಕೆ ಸುರಿಯುತ್ತಿರುವ ಬಗ್ಗೆ ಈ ಹಿಂದಿನಿಂದಲೂ ಆರೋಪಗಳು ಕೇಳಿ ಬರುತ್ತಿದ್ದವು.

ಬಂದರು ಒಳಭಾಗದಲ್ಲಿ ಅಳಿದುಳಿದ ತ್ಯಾಜ್ಯಗಳನ್ನು ವಿಲೇವಾರಿ ಮಾಡಲು ಶುಲ್ಕವನ್ನು ಪಾವತಿಸಬೇಕೆಂದು ಅಂತರರಾಷ್ಟ್ರೀಯ ಸಮುದ್ರ ಮಾರ್ಗದಲ್ಲಿ ಹಡಗಿನ ತೈಲ ಜಿಡ್ಡು ತ್ಯಾಜ್ಯಗಳನ್ನು ಸುರಿದು ಹೋಗಲಾಗುತ್ತಿದೆ. ಈ ಬಗ್ಗೆ ಡಿಜಿಸಿಎ ಸಮರ್ಪಕವಾದ ಕಾನೂನು ಜಾರಿಗೊಳಿಸಿದ್ದರು ಇದು ನಿಯಂತ್ರಣಕ್ಕೆ ಬರುತ್ತಿಲ್ಲ.

ಇದನ್ನೂ ಓದಿ:ಹೈಕೋರ್ಟ್ ನಲ್ಲಿ ಪಿಐಎಲ್: ಕೆಬಿಜೆಎನ್ಎಲ್ ಎಂ.ಡಿ. ಕಛೇರಿ ಆಲಮಟ್ಟಿಗೆ ಸ್ಥಳಾಂತರಕ್ಕೆ ಸೂಚನೆ

ಇನ್ನು ಈ ಭಾಗದಲ್ಲಿ ಹಲವು ತೈಲ ಉತ್ಪಾದಕ, ಸಂಸ್ಕರಣ ಘಟಕ, ಮುಳುಗಡೆಯಾದ ಡ್ರಜ್ಜರ್,ಹಡಗುಗಳಿದ್ದು ಇದರಿಂದಲೂ ಸಮುದ್ರ ಮಾಲಿನ್ಯ ಆಗುತ್ತಿದೆಯೆ ಎಂಬುದರ ಬಗ್ಗೆ ಪರಿಸರ ಮಾಲಿನ್ಯ ತನಿಖೆ ನಡೆಸಬೇಕಿದೆ.