ಗೋಧಿ ರಫ್ತಿನ ಮೇಲಿನ ನಿರ್ಬಂಧ ಸಡಿಲಿಸಿದ ಕೇಂದ್ರ ಸರ್ಕಾರ

Team Udayavani, May 17, 2022, 8:31 PM IST

ನವದೆಹಲಿ: ವಿದೇಶಗಳಿಗೆ ಗೋಧಿ ರಫ್ತನ್ನು ನಿಷೇಧಿಸಿದ್ದ ಕೇಂದ್ರ ಸರ್ಕಾರ ಮಂಗಳವಾರ ಅದರಲ್ಲಿ ಸಡಿಲಿಕೆ ಕೊಟ್ಟಿದೆ.

ಮೇ 13ರಂದು ರಫ್ತು ನಿಷೇಧ ಆದೇಶ ಹೊರಡಿಸುವುದಕ್ಕೂ ಮೊದಲು ಆಮದು ಮಾಡುವುದಕ್ಕಾಗಿ ನೋಂದಣಿ ಮಾಡಿಕೊಳ್ಳಲಾಗಿದ್ದ ಗೋಧಿಯನ್ನು ಆಮದು ಮಾಡಲು ಅನುಮತಿ ಕೊಡಲಾಗಿದೆ.

ಹಾಗೆಯೇ ಈಗಾಗಲೇ ಆಮದು ಮಾಡುವುದಕ್ಕಾಗಿ ಕಸ್ಟಮ್ಸ್‌ ಇಲಾಖೆಯ ಪರಿಶೀಲನೆಗೆ ಕಳುಹಿಸಿಕೊಡಲಾಗಿರುವ ಗೋಧಿಯನ್ನೂ ಆಮದು ಮಾಡಲು ಅನುಮತಿ ಕೊಟ್ಟಿದೆ. ರಫ್ತು ನಿಷೇಧ ಆದೇಶ ಹೊರಬೀಳುವ ವೇಳೆ ಈಜಿಪ್ಟ್ ಗೆ ಕಳುಹಿಸಲೆಂದು ಗುಜರಾತ್‌ನ ಕಾಂಡ್ಲಾದಲ್ಲಿ ಸರಕು ಹಡಗಿಗೆ ತುಂಬಲಾಗುತ್ತಿದ್ದ 61,500 ಮೆಟ್ರಿಕ್‌ ಟನ್‌ ಗೋಧಿಯನ್ನು ರಫ್ತು ಮಾಡಬಹುದು ಎಂದು ಸರ್ಕಾರ ಹೇಳಿದೆ.

ಮೇ 13ರಂದು ಗೋಧಿ ರಫ್ತು ನಿಷೇಧಿಸಿದ್ದ ಸರ್ಕಾರ ಲೆಟರ್‌ ಆಫ್ ಕ್ರೆಡಿಟ್‌ ಮೂಲಕ ಬೇರೆ ದೇಶಗಳಿಗೆ ಗೋಧಿ ಆಮದು ಮಾಡುವ ಖಾಸಗಿ ವ್ಯಾಪಾರಿಗಳಿಗೆ ರಿಯಾಯಿತಿ ಕೊಟ್ಟಿತ್ತು.