ಹಾಡಹಗಲೇ ಮಹಿಳೆಗೆ ಚೂರಿ ತೋರಿಸಿ ಚಿನ್ನಾಭರಣ ಅಪಹರಣ

Team Udayavani, May 21, 2022, 1:11 AM IST

ಸಾಂದರ್ಭಿಕ ಚಿತ್ರ.

ಕುಂಬಳೆ: ಉಪ್ಪಳದ ಶಾಲಾ ಬಳಿಯಲ್ಲಿ ಹಾಡಹಗಲೇ ಮನೆಗೆ ನುಗ್ಗಿ ಮಹಿಳೆಗೆ ಚೂರಿ ತೋರಿಸಿ ಚಿನ್ನಾಭರಣ ಅಪಹರಿಸಿದ ಘಟನೆ ಉಪ್ಪಳದಲ್ಲಿ ನಡೆದಿದೆ.

ಶುಕ್ರವಾರ ಮಧ್ಯಾಹ್ನ ಯುವಕ ಮತ್ತು ಯುವತಿ ಉಪ್ಪಳದ ಬಶೀರ್‌ ಅವರ ಮನೆಗೆ ಸ್ಕೂಟರಿನಲ್ಲಿ ಆಗಮಿಸಿ ಮನೆಯ ಮಹಿಳೆಯಲ್ಲಿ ಅತ್ತೆ ಮನೆಯಲ್ಲಿ ಇದ್ದರಾ ಎಂಬುದಾಗಿ ಪ್ರಶ್ನಿಸಿದ್ದರು. ಇದ್ದಾರೆ ಕರೆಯುತೇ¤ನೆ ಎಂಬುದಾಗಿ ಮಹಿಳೆ ಮನೆಯೊಳಗೆ ತೆರಳುತ್ತಿರುವಾಗ ಹಿಂಬಾಲಿಸಿದ ಯುವಕ ಮಹಿಳೆಗೆ ಚೂರಿ ತೋರಿಸಿ ಮೈಮೇಲಿದ್ದ ಎಲ್ಲ ಚಿನ್ನವನ್ನು ನೀಡುವಂತೆ ಬೆದರಿಸಿ ಪಡೆದುಕೊಂಡಿದ್ದ.

ಅಷ್ಟರಲ್ಲಿ ಬಶೀರ್‌ ಅವರ ಪುತ್ರ ಮಸೀದಿಗೆ ತೆರಳಲು ಮಹಡಿ ಮೇಲಿನಿಂದ ಇಳಿದು ಬರುತ್ತಿರುವುದನ್ನು ಕಂಡು ಆರೋಪಿಗಳು ಬಳೆ ಸಹಿತ ಸ್ಕೂಟರಿನಲ್ಲಿ ಪರಾರಿಯಾದರು. ಮಂಜೇಶ್ವರ ಪೊಲೀಸರು ಸ್ಥಳಕ್ಕಾಗಮಿಸಿ ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.