ಜೂ.3 ಕ್ಕೆ “ಗಜಾನನ ಗ್ಯಾಂಗ್‌” ಎಂಟ್ರಿ

Team Udayavani, May 30, 2022, 4:30 PM IST

ಸೋಶಿಯಲ್‌ ಮೀಡಿಯಾದಲ್ಲಿ ತನ್ನ ಟೈಟಲ್‌, ಟ್ರೇಲರ್‌ ಮತ್ತು ಹಾಡಿನ ಮೂಲಕ ಸೌಂಡ್‌ ಮಾಡುತ್ತಿರುವ “ಗಜಾನನ ಆ್ಯಂಡ್‌ ಗ್ಯಾಂಗ್‌’ ಚಿತ್ರ ಇದೇ ಜೂನ್‌. 3ಕ್ಕೆ ತೆರೆಗೆ ಬರುತ್ತಿದೆ.

ಇಂದಿನ ಕಾಲೇಜು ಹುಡುಗರಿಗೆ ಮತ್ತು ಕಾಲೇಜು ಮುಗಿಸಿದವರಿಗೆ ಬಹುಬೇಗ ಕನೆಕ್ಟ್ ಅಗುವ ಸಿನಿಮಾವಿದು. ಯುವನಟ ಶ್ರೀಮಹಾದೇವ್‌ ಹಾಗೂ ಅದಿತಿ ಪ್ರಭುದೇವ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದಾರೆ. ಇನ್ನು “ಗಜಾನನ ಆ್ಯಂಡ್‌ ಗ್ಯಾಂಗ್‌’ ಟೈಟಲೇ ಹೇಳುವಂತೆ, ಇದು ಔಟ್‌ ಆ್ಯಂಡ್‌ ಔಟ್‌ ಕಾಲೇಜ್‌ ಸ್ಟೋರಿ ಇರುವ ಯೂಥ್‌ಫ‌ುಲ್‌ ಸಬ್ಜೆಕ್ಟ್‌ ಸಿನಿಮಾ. 2014 ರಿಂದ 2021ರ ವರೆಗೆ ಸಮಾಜದಲ್ಲಿ ನಡೆಯುವ ವಿವಿಧ ಘಟನೆಗಳ ಸುತ್ತ ನಡೆಯುವ ಈ ಚಿತ್ರದಲ್ಲಿ ಎಲ್ಲ ಸನ್ನಿವೇಶಗಳೂ ಫ್ಲ್ಯಾಶ್‌ಬ್ಯಾಕ್‌ನಲ್ಲಿ ಸಾಗುತ್ತದೆಯಂತೆ. ಹುಡುಗಾಟ, ತಂಟೆ, ತರಲೆ, ತಕರಾರು, ತಿಳಿ ಹಾಸ್ಯ, ಸೆಂಟಿಮೆಂಟ್‌ ಎಲ್ಲವೂ “ಗಜಾನನ ಆ್ಯಂಡ್‌ ಗ್ಯಾಂಗ್‌ ‘ನಲ್ಲಿದೆ.

ಅಭಿಷೇಕ್‌ ಶೆಟ್ಟಿ “ಗಜಾನನ ಆ್ಯಂಡ್‌ ಗ್ಯಾಂಗ್‌’ ಸಿನಿಮಾಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ಆಕ್ಷನ್‌- ಕಟ್‌ ಹೇಳಿದ್ದಾರೆ. “2014ರ ನನ್ನ ಕಾಲೇಜು ದಿನಗಳಲ್ಲಿ ನಡೆದ ಸಣ್ಣ ಘಟನೆಯ ಎಳೆ ಇಟ್ಟುಕೊಂಡು ಈ ಸಿನಿಮಾದ ಕಥೆ ಮಾಡಲಾಗಿದ್ದು, ಕಾಲೇಜ್‌ ಲೈಫ್ ನ ಏರಿಳಿತಗಳನ್ನು ಎಂಟರ್‌ಟೈನ್ಮೆಂಟ್‌ ಮೂಲಕ ಹೇಳುತ್ತಿದ್ದೇವೆ. ಜೊತೆಗೊಂದು ಮೆಸೇಜ್‌ ಕೂಡ ಸಿನಿಮಾದಲ್ಲಿದೆ’ ಎನ್ನುತ್ತಾರೆ ನಟ ಕಂ ನಿರ್ದೇಶಕ ಅಭಿಷೇಕ್‌ ಶೆಟ್ಟಿ.