ಫ್ಯಾಮಿಲಿ ಪ್ಯಾಕ್‌ ಜೋಡಿಯ ‘ಅಬ್ಬಬ್ಬ’ ಸ್ಟೋರಿ!

Team Udayavani, Jun 10, 2022, 2:16 PM IST

“ಫ್ಯಾಮಿಲಿ ಪ್ಯಾಕ್‌’ ಜೋಡಿ ಲಿಖೀತ್‌ ಶೆಟ್ಟಿ ಹಾಗೂ ಅಮೃತಾ ಅಯ್ಯಂಗಾರ್‌ ಜೊತೆಯಾಗಿ ನಟಿಸಿರುವ “ಅಬ್ಬಬ್ಬ’ ಚಿತ್ರ ಜುಲೈ 1 ರಂದು ಬಿಡುಗಡೆಯಾಗಲಿದೆ. “ಆ ದಿನಗಳು’ ಚಿತ್ರದ ಮೂಲಕ ನಿರ್ದೇಶಕರಾಗಿ ಕನ್ನಡ ಚಿತ್ರರಂಗದಲ್ಲಿ ಗುರುತಿಸಿಕೊಂಡಿರುವ ಕೆ.ಎಂ.ಚೈತನ್ಯ ನಿರ್ದೇಶನದ ಈ ಚಿತ್ರ ಸಂಪೂರ್ಣ ಹಾಸ್ಯಮಯವಾಗಿದೆ.

ಬೆಂಗಳೂರಿನಲ್ಲಿ ಮೀರಾಮಾರ್‌ ಎಂಬ ಜಾಹೀರಾತು ನಿರ್ಮಾಣ ಸಂಸ್ಥೆ ನಡೆಸುತ್ತಿರುವ ಆನ್‌ ಆಗಸ್ಟೇನ್‌ ಹಾಗೂ ವಿವೇಕ್‌ ಥಾಮಸ್‌ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಆನ್‌ ಆಗಸ್ಟೇನ್‌ ಮಲಯಾಳಂ ನಟಿ ಕೂಡ. ಸಾಕಷ್ಟು ಮಲೆಯಾಳಂ ಚಿತ್ರಗಳಲ್ಲಿ ಇವರು ನಟಿಸಿದ್ದಾರೆ. ಇವರಿಬ್ಬರ ನಿರ್ಮಾಣದಲ್ಲಿ ಮೂಡಿಬಂದಿರುವ ಮೊದಲ ಚಿತ್ರ ಅಬ್ಬಬ್ಬ.

ಇದನ್ನೂ ಓದಿ:ಶೇ.20 ಭೂಮಿಯಲ್ಲಿ 800 ಕೋಟಿ ಜನರ ವಾಸ: ಪರಿಸರವಾದಿ, ನಟ ಸುರೇಶ ಹೆಬ್ಳೀಕರ್‌ ಅಭಿಮತ 

ಚಿತ್ರದಲ್ಲಿ ಅಜಯ್‌ ರಾಜ್‌, ತಾಂಡವ್‌ ರಾಮ್, ಧನರಾಜ್‌ ಆಚಾರ್‌ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ಬೆಂಗಳೂರು ಹಾಗೂ ತುಮಕೂರಿನಲ್ಲಿ ಚಿತ್ರೀಕರಣ ನಡೆದಿದ್ದು, ಇದೇ ಆರರಂದು ಟ್ರೇಲರ್‌ ಬಿಡುಗಡೆಯಾ ಗಲಿದೆ. ಜುಲೈ ಒಂದರಂದು ಚಿತ್ರ ತೆರೆಗೆ ಬರಲಿದೆ ಎಂದು ನಿರ್ದೇಶಕ ಕೆ.ಎಂ. ಚೈತನ್ಯ ತಿಳಿಸಿದ್ದಾರೆ.

ಮನೋಹರ್‌ ಜೋಶಿ ಛಾಯಾಗ್ರಹಣವಿರುವ ಈ ಚಿತ್ರಕ್ಕೆ ದೀಪಕ್‌ ಅಲೆಕ್ಸಾಂಡರ್‌ ಸಂಗೀತವಿದೆ. ಹರಿದಾಸ್‌ ಕೆ.ಜಿ.ಎಫ್ ಈ ಚಿತ್ರದ ಸಂಕಲನಕಾರರು. ಚಿತ್ರದಲ್ಲಿ ನಾಲ್ಕು ಹಾಡುಗಳಿದೆ.