ಬಾಸ್ಕೆಟ್‌ಬಾಲ್‌ ತಂಡಕ್ಕೆ ಇವರನ್ನು ಹುಡುಕಿಕೊಡಿ- ವಿಡಿಯೋ ವೈರಲ್‌

Team Udayavani, Jul 2, 2022, 7:20 AM IST

ಭಾರತದ ದೇಸೀ ಪ್ರತಿಭೆಯೊಬ್ಬರ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ. ಸೀರೆಯುಟ್ಟ ಮಹಿಳೆಯೊಬ್ಬಳು ಗೋಡೆಯ ಮೇಲೆ ಸಗಣಿಯಿಂದ ಬೆರಣಿ ತಟ್ಟುತ್ತಿದ್ದಾಳೆ.

ಸುಮಾರು 10 ಅಡಿಗೂ ಎತ್ತರವಿರುವ ಗೋಡೆಗೆ, ನಿಂತ ಸ್ಥಳದಿಂದಲೇ ಸಗಣಿಯ ಬೆರಣಿ ಎಸೆದು, ಅದು ಗೋಡೆಗೆ ಅಂಟಿಕೊಳ್ಳುವಂತೆ ಮಾಡುತ್ತಾಳೆ.

ಮಹಿಳೆಯ ನಿಖರ ಗುರಿಗೆ ಐಎಎಸ್‌ ಅಧಿಕಾರಿ ಅವನೀಶ್‌ ಶರಣ್‌ ಅವರೂ ಬೆರಗಾಗಿದ್ದು, ಆ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.

“ಬಾಸ್ಕೆಟ್‌ ಬಾಲ್‌ ತಂಡ ಈ ಮಹಿಳೆಗಾಗಿ ಹುಡುಕುತ್ತಿದ್ದಾರೆ’ ಎಂದು ಪ್ರಶಂಸನೀಯವಾಗಿ ಬರೆದುಕೊಂಡಿದ್ದಾರೆ. ಈ ವಿಡಿಯೋ ಹಳೆಯದ್ದಾದರೂ ಮತ್ತೊಮ್ಮೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗಿದೆ.

Indian basket ball team is searching for her. pic.twitter.com/hE2dBy7nAu

— Awanish Sharan (@AwanishSharan) June 29, 2022