ಎಲೆಕ್ಟ್ರಿಕ್‌ ಕಾರುಗಳಿಗೆ 10 ಲಕ್ಷ ರೂ.ವರೆಗೆ ಸಬ್ಸಿಡಿ: ಹರಿಯಾಣ ಸರಕಾರ

Team Udayavani, Jul 3, 2022, 6:45 AM IST

ಚಂಡೀಗಢ: ಹರಿಯಾಣ ಸರಕಾರವು ಎಲೆಕ್ಟ್ರಿಕ್‌ ವಾಹನಗಳನ್ನು ಉತ್ತೇಜಿಸುವ ನಿಟ್ಟಿನಲ್ಲಿ ಹೊಸದೊಂದು ಕಾನೂನು ಜಾರಿಗೆ ತಂದಿದೆ. ಅದರ ಪ್ರಕಾರ, ಎಲೆಕ್ಟ್ರಿಕ್‌ ಕಾರು ಕೊಳ್ಳುವವರು 10 ಲಕ್ಷ ರೂ. ವರೆಗೆ ರಿಯಾಯಿತಿ ಪಡೆಯಬಹುದಾಗಿದೆ.

15 ಲಕ್ಷ ರೂ. ಇಂದ 40 ಲಕ್ಷ ರೂ. ಮೌಲ್ಯದ ಇ- ಕಾರುಗಳಿಗೆ 6 ಲಕ್ಷದವರೆಗಿನ (ಶೇ.15) ರಿಯಾಯಿತಿ ಘೋಷಿಸಲಾಗಿದೆ. ಹಾಗೆಯೇ 40ರಿಂದ 70 ಲಕ್ಷ ರೂ. ಬೆಲೆಯ ಇ-ಕಾರಿಗೆ 10 ಲಕ್ಷ ರೂ.(ಶೇ.15)ವರೆಗೆ ರಿಯಾಯಿತಿ ಘೋಷಿಸಲಾಗಿದೆ. 40 ಲಕ್ಷ ರೂ. ಒಳಗಿನ ಹೈಬ್ರಿಡ್‌ ಕಾರುಗಳಿಗೆ 3 ಲಕ್ಷ ರೂ.ವರೆಗಿನ(ಶೇ.15) ರಿಯಾಯಿತಿ ಘೋಷಿಸಲಾಗಿದೆ.

ಹಾಗೆಯೇ ರಾಜ್ಯದಲ್ಲಿ ಎಲೆಕ್ಟ್ರಿಕ್‌ ಕಾರು ಉತ್ಪಾದಕ ಘಟಕ ತೆರೆಯುವವರಿಗೆ 1 ಕೋಟಿ ರೂ. ವರೆಗಿನ ಪ್ರೋತ್ಸಾಹ ಧನ ಕೊಡಲಾಗುವುದು. ಹಾಗೆಯೇ 10 ವರ್ಷದವರೆಗೆ ಅವರ ಎಸ್‌ಜಿಎಸ್‌ಟಿಯ ಶೇ.50ನ್ನು ಸರಕಾರ ಭರಿಸಲಿದೆ.