ಮಲೇಷ್ಯಾ ಮಾಸ್ಟರ್ : ಪಿ.ವಿ. ಸಿಂಧು, ಪ್ರಣಯ್ ದ್ವಿತೀಯ ಸುತ್ತಿಗೆ
Team Udayavani, Jul 7, 2022, 12:15 AM IST
ಕೌಲಾಲಂಪುರ: ಎರಡು ಬಾರಿಯ ಒಲಿಂಪಿಕ್ ಪದಕ ವಿಜೇತೆ ಪಿ.ವಿ. ಸಿಂಧು ಅವರು ಮಲೇಷ್ಯಾ ಮಾಸ್ಟರ್ಸ್ ಕೂಟದ ಆರಂಭಿಕ ಸುತ್ತಿನಲ್ಲಿ ಜಯ ಗಳಿಸುವ ಮೊದಲು ಬಹಳಷ್ಟು ಶ್ರಮ ವಹಿಸಿದರು. ಆದರೆ ಸೈನಾ ನೆಹ್ವಾಲ್ ಮೊದಲ ಸುತ್ತಿನಲ್ಲಿ ಸೋತು ಹೊರಬಿದ್ದರು.
ಏಳನೇ ಶ್ರೇಯಾಂಕದ ಸಿಂಧು ಸುಮಾರು ಒಂದು ತಾಸಿನ ಸೆಣಸಾಟದಲ್ಲಿ ಚೀನದ ಹಿ ಬಿಂಗ್ ಜಿಯಾವೊ ಅವರನ್ನು 21-13, 17-21, 21-15 ಗೇಮ್ಗಳಿಂದ ಸೋಲಿಸಿ ಮುನ್ನಡೆದರು. ಈ ಗೆಲುವಿನಿಂದ ಸಿಂಧು ಕಳೆದ ತಿಂಗಳು ನಡೆದ ಇಂಡೋನೇಶ್ಯ ಓಪನ್ನ ಮೊದಲ ಸುತ್ತಿನಲ್ಲಿ ಆದ ಸೋಲಿಗೆ ಸೇಡು ತೀರಿಸಿಕೊಂಡರು.
ಸೈನಾ ನೆಹ್ವಾಲ್ ಮೂರು ಸೆಟ್ಗಳ ಹೋರಾಟ (16-21, 21-17, 21-14) ದಲ್ಲಿ ದಕ್ಷಿಣ ಕೊರಿಯದ ಕಿಮ್ ಗಾ ಎನ್ ಅವರ ಕೈಯಲ್ಲಿ ಸೋತು ಹೊರಬಿದ್ದರು. 24ರ ಹರೆಯದ ಸೈನಾ ಕಳೆದ ವಾರ ನಡೆದ ಮಲೇಷ್ಯಾ ಓಪನ್ನ ಮೊದಲ ಸುತ್ತಿನಲ್ಲೂ ಸೋತಿದ್ದರು.
ಪುರುಷರ ಸಿಂಗಲ್ಸ್ನಲ್ಲಿ ಎಚ್. ಎಸ್. ಪ್ರಣಯ್ ಫ್ರಾನ್ಸ್ನ ಬ್ರೈಸ್ ಲೆವೆರೆಡ್ಜ್ ಅವರನ್ನು 21-19, 21-14 ಗೇಮ್ಗಳಿಂದ ಸುಲಭವಾಗಿ ಮಣಿಸಿದರು. ಬಿ. ಸಾಯಿ ಪ್ರಣೀತ್ ಮತ್ತು ಪಾರುಪಳ್ಳಿ ಕಶ್ಯಪ್ ಕೂಡ ದ್ವಿತೀಯ ಸುತ್ತಿಗೇರಿದ್ದಾರೆ.
ಟಾಪ್ ನ್ಯೂಸ್
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.