ಜಿಟಿಜಿಟಿ ಮಳೆಗೆ ರಸ್ತೆ ಕೆಸರುಮಯ

Team Udayavani, Jul 12, 2022, 5:29 PM IST

ಜೇವರ್ಗಿ: ತಾಲೂಕಿನ ಬಿರಾಳ ಬಿ. ಗ್ರಾಮದಿಂದ ಹೊನ್ನಾಳ ಗ್ರಾಮಕ್ಕೆ ತೆರಳುವ ಮುಖ್ಯ ರಸ್ತೆ ಜಿಟಿಜಿಟಿ ಮಳೆಗೆ ಕೆಸರು ರಾಡಿಯಂತ್ತಾಗಿದ್ದು, ಸಂಚಾರಕ್ಕೆ ಗ್ರಾಮಸ್ಥರು ಪರದಾಡುವಂತಾಗಿದೆ. ಗ್ರಾಪಂ ಕೇಂದ್ರವಾಗಿರುವ ಬಿರಾಳ ಬಿ. ಗ್ರಾಮದಲ್ಲಿ 4 ಸಾವಿರಕ್ಕೂ ಅಧಿಕ ಜನಸಂಖ್ಯೆಯಿದೆ.

ಗ್ರಾಮದಿಂದ ಹೊನ್ನಾಳ, ಹೋತಿನಮಡು, ರಾಂಪೂರ ಹಾಗೂ ಶಹಾಪೂರ ತಾಲೂಕಿನ ಅಣಬಿ, ಹೊಸೂರ, ಯಾದಗಿರಿ ಜಿಲ್ಲೆಗೆ ತೆರಳುವ ಮುಖ್ಯ ರಸ್ತೆಯಾಗಿದೆ. ನಿತ್ಯ ಹತ್ತಾರು ವಾಹನಗಳು ಈ ರಸ್ತೆ ಮೂಲಕ ಸಂಚಾರ ಮಾಡುತ್ತವೆ. ಕಳೆದ ಕೆಲ ದಿನಗಳಿಂದ ಸುರಿಯುತ್ತಿರುವ ಜಿಟಿಜಿಟಿ ಮಳೆಗೆ ರಸ್ತೆ ಕೆಸರು ಗದ್ದೆಯಾಗಿ ಸಂಚಾರಕ್ಕೆ ಸಂಚಕಾರ ತಂದಿದೆ. ಕನಕದಾಸ ಚೌಕ್‌ದಿಂದ ಅಂಬೇಡ್ಕರ್‌ ನಗರಕ್ಕೆ ತೆರಳುವ ಈ ರಸ್ತೆ ತುಂಬಾ ಹದಗೆಟ್ಟು ಹೋಗಿರುವುದರಿಂದ ಈ ಎರಡು ಬಡಾವಣೆಯ ಜನ ಸಾಕಷ್ಟು ಸಮಸ್ಯೆ ಎದುರಿಸುತ್ತಿದ್ದಾರೆ.

ಮಹಿಳೆಯರು, ಮಕ್ಕಳು, ವೃದ್ದರು ಕೆಸರು ರಸ್ತೆಯಿಂದ ಮನೆಬಿಟ್ಟು ಹೊರಬರದಂತಾಗಿದೆ. ಬಸ್‌ ಹೊರತುಪಡಿಸಿ ಬೇರೆ ವಾಹನಗಳು ಈ ರಸ್ತೆ ಮೇಲೆ ಓಡಾಡುವಂತಿಲ್ಲ. ಈ ಬಗ್ಗೆ ಸಂಬಂಧಪಟ್ಟ ಜನಪ್ರತಿನಿಗಳಿಗೆ, ಅಕಾರಿಗಳಿಗೆ ಸಾಕಷ್ಟು ಬಾರಿ ಮನವಿ ಮಾಡಿದರೂ ಯಾವುದೇ ಪ್ರಯೋಜನವಾಗಿಲ್ಲ. ಕೂಡಲೇ ಈ ರಸ್ತೆ ನಿರ್ಮಾಣಕ್ಕೆ ಮುಂದಾಗದೇ ಹೋದರೇ ಗ್ರಾಮಸ್ಥರೊಂದಿಗೆ ತಹಶೀಲ್ದಾರ್‌ ಕಚೇರಿ ಎದುರು ಪ್ರತಿಭಟನೆ ನಡೆಸಬೇಕಾಗುತ್ತದೆ ಎಂದು ಗ್ರಾಮದ ನಿವಾಸಿ ಹಣಮಂತ ಕುಳಗೇರಿ ಎಚ್ಚರಿಸಿದ್ದಾರೆ.