ನಾಸಿಕ್ ನಲ್ಲಿ ಭಾರೀ ಮಳೆ ; ಕೊಚ್ಚಿ ಹೋದ ಕನಿಷ್ಠ 6 ಮಂದಿ

Team Udayavani, Jul 13, 2022, 7:20 PM IST

ನಾಸಿಕ್( ಮಹಾರಾಷ್ಟ್ರ): ಜಿಲ್ಲೆಯಲ್ಲಿ ಕಳೆದ 24 ಗಂಟೆಗಳಲ್ಲಿ ಜಿಲ್ಲೆಯಲ್ಲಿ ಭಾರೀ ಮಳೆಯಿಂದಾಗಿ ಕನಿಷ್ಠ ಆರು ಜನರು ಕೊಚ್ಚಿಹೋಗಿದ್ದಾರೆ ಮತ್ತು ಅವರಲ್ಲಿ ಒಬ್ಬರ ಶವ ಇದುವರೆಗೆ ಪತ್ತೆಯಾಗಿದೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದ್ದಾರೆ.

ಜಿಲ್ಲೆಯ ಪೇಠ, ಸುರಗಣ, ತ್ರಯಂಬಕೇಶ್ವರ ತಾಲೂಕುಗಳಲ್ಲಿ ಧಾರಾಕಾರ ಮಳೆ ಸುರಿದಿದೆ. ನಾಸಿಕ್ ನಗರದಲ್ಲಿ, ಹಿಂದಿನ ದಿನ ಕೆಲವು ಗಂಟೆಗಳ ಕಾಲ ವಿರಾಮ ತೆಗೆದುಕೊಂಡ ನಂತರ ಬುಧವಾರ ಮತ್ತೆ ತುಂತುರು ಮಳೆಯಾಗಿದೆ.

ಮಂಗಳವಾರ ದಿಂಡೋರಿ ತಾಲೂಕಿನ ಅಳಂದಿ ನದಿ ದಾಟುತ್ತಿದ್ದಾಗ ಆರು ವರ್ಷದ ಬಾಲಕಿ ತನ್ನ ಚಿಕ್ಕಪ್ಪನೊಂದಿಗೆ ಕೊಚ್ಚಿ ಹೋಗಿದ್ದಾಳೆ. ಆಕೆಯ ಚಿಕ್ಕಪ್ಪ ಸುರಕ್ಷಿತವಾಗಿದ್ದು, ಆದರೆ ಬಾಲಕಿ ಸಾವನ್ನಪ್ಪಿದ್ದಾಳೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಪೇಠ ತಾಲೂಕಿನ ಮೌಜೆ ಪಾಲ್ಶಿ ಖುರ್ದ್ ಗ್ರಾಮದಲ್ಲಿಯೂ ಒಬ್ಬರು ಗೋದಾವರಿ ನದಿಯಲ್ಲಿ ಕೊಚ್ಚಿ ಹೋಗಿದ್ದಾರೆ ಎಂದು ಸರಕಾರಿ ಅಧಿಕಾರಿಗಳು ತಿಳಿಸಿದ್ದಾರೆ. ಶಿಲಾಪುರ ಗ್ರಾಮದ ಗೋದಾವರಿ ನದಿಯ ಬಳಿಯ ಚರಂಡಿಯಲ್ಲಿ ವ್ಯಕ್ತಿಯೊಬ್ಬರು ಕೊಚ್ಚಿ ಹೋಗಿದ್ದು, ಮಂಗಳವಾರ ತಾಲೂಕಿನ ಸುರಗಣದ ನಾರ ನದಿ ದಾಟುತ್ತಿದ್ದಾಗ ಮತ್ತೋರ್ವರೂ ಅದೇ ರೀತಿ ಕೊಚ್ಚಿ ಹೋಗಿದ್ದಾರೆ.