ಸಚಿವ ಜ್ಯೋತಿರಾದಿತ್ಯ ಸಿಂದಿಯಾ ಮನೆಗೆ ನುಗ್ಗಿದ ಮಳೆ ನೀರು!

Team Udayavani, Jul 13, 2022, 10:44 PM IST

ಭೋಪಾಲ: ಭೋಪಾಲದ ಶ್ಯಾಮಲಾ ಹಿಲ್ಸ್‌ನಲ್ಲಿರುವ, ಕೇಂದ್ರ ನಾಗರಿಕ ವಿಮಾನಯಾನ ಸಚಿವ ಜ್ಯೋತಿರಾದಿತ್ಯ ಸಿಂದಿಯಾರವರಿಗೆ ನೀಡಲಾಗಿರುವ “ಬಿ 5′ ಎಂಬ ಬಂಗಲೆಯಲ್ಲಿ ಮಳೆ ನೀರು ನುಗ್ಗಿ, ಬಂಗಲೆಯ ನೆಲ ಅಂತಸ್ತಿನಲ್ಲಿದ್ದ ವಸ್ತುಗಳೆಲ್ಲವೂ ಮಳೆ ನೀರಿನಿಂದ ಹಾಳಾಗಿವೆ.

ಮಂಗಳವಾರ ರಾತ್ರಿಯಿಂದಲೇ ನೆಲ ಅಂತಸ್ತಿಗೆ ನೀರು ಬರಲಾರಂಭಿಸಿದೆ. ಬಂಗಲೆಯ ಸಿಬ್ಬಂದಿ ನೀರನ್ನು ತಡೆಯಲು ಮಾಡಿದ ಪ್ರಯತ್ನಗಳೆಲ್ಲವೂ ವಿಫ‌ಲವಾದವು. ಈ ನಿವಾಸವನ್ನು ಗುಡ್ಡದಲ್ಲಿ ಕಟ್ಟಲಾಗಿರುವುದರಿಂದ ಗುಡ್ಡದ ತುದಿಯ ಮೇಲೆ ಬಿದ್ದ ನೀರೆಲ್ಲವೂ ಈ ಮನೆಯೊಳಕ್ಕೆ ನುಗ್ಗಿದೆ. ಮನೆಯ ತುಂಬಾ ಕೆಲವು ಅಡಿಗಳವರೆಗೆ ನೀರು ನಿಂತಿದೆ. ಮೋಟಾರ್‌ಗಳನ್ನು ಬಳಸಿ ನೀರನ್ನು ಹೊರಹಾಕಲಾಗಿದೆ.

केंद्रीय मंत्री ज्योतिरादित्य सिंधिया के बंगले में नाले का पानी बहने का वीडियों सामने आया है। इस वीडियो में साफ देखा जा सकता है कि एक कर्मचारी रात भर बंगले के कमरों से पानी निकालने में लगे रहे। #Bhopal #MPrains pic.twitter.com/JIJDOiZvFP

— Hindustan (@Live_Hindustan) July 12, 2022