ಔಷಧಿಗೆ ಅಫೀಮು ತಯಾರಿಕೆ: ಕೇಂದ್ರದ ಅನುಮತಿ

Team Udayavani, Jul 15, 2022, 10:10 AM IST

ನವದೆಹಲಿ: ನೋವು ನಿವಾರಕ, ಕಫ್ ಸಿರಪ್‌, ಕ್ಯಾನ್ಸರ್‌ ಔಷಧ ಸೇರಿ ಅನೇಕ ಔಷಧಗಳಲ್ಲಿ ಬಳಸಲಾಗುವ ಅಲ್ಕಲೋಯ್ಡ್ಸ್ ಅನ್ನು ಅಫೀಮಿನಿಂದ ತಯಾರಿಸಲು ಕೇಂದ್ರ ಸರ್ಕಾರವು ಬಜಾಜ್‌ ಹೆಲ್ತ್‌ ಕೇರ್‌ ಸಂಸ್ಥೆಗೆ ಅನುಮತಿ ನೀಡಿದೆ. ಇದೇ ಮೊದಲನೇ ಬಾರಿಗೆ ಅಫೀಮು ಪ್ರಕ್ರಿಯೆಗೆ ಖಾಸಗಿ ಸಂಸ್ಥೆಗೆ ಅನುಮತಿ ಕೊಡಲಾಗಿದೆ.

ಈಗಾಗಲೇ ಉತ್ತರ ಪ್ರದೇಶದ ಗಾಜಿಪುರ್‌ ಮತ್ತು ಮಧ್ಯಪ್ರದೇಶದ ನೀಮುಚ್‌ ಪ್ರದೇಶದಲ್ಲಿ ಸರ್ಕಾರದ ಅಫೀಮು ಪ್ರಕ್ರಿಯೆ ಘಟಕಗಳಿವೆ. ಅವುಗಳಲ್ಲಿ ವರ್ಷಕ್ಕೆ 800 ಟನ್‌ ಅಫೀಮು ಗಮ್‌ ತಯಾರಿಸಲಾಗುತ್ತಿದೆ.

ನಂತರ ಅದರಿಂದ ಅಲ್ಕಲೋಯ್ಡ್ಸ್ ತೆಗೆಯಲಾಗುವುದು. ಈಗ ಥಾಣೆಯಲ್ಲಿ ಬಜಾಜ್‌ ಹೆಲ್ತ್‌ಕೇರ್‌ ಘಟಕದೊಂದಿಗೆ ಸರ್ಕಾರ ವರ್ಷಕ್ಕೆ 500 ಟನ್‌ ಅಫೀಮು ಗಮ್‌ ತಯಾರಿಸಿ ಕೊಡುವಂತೆ ಸಂಸ್ಥೆಯೊಂದಿಗೆ ಒಪ್ಪಂದ ಮಾಡಿಕೊಂಡಿದೆ. ಮುಂದಿನ ಐದು ವರ್ಷಗಳಲ್ಲಿ ಅದನ್ನು ವರ್ಷಕ್ಕೆ 800 ಟನ್‌ವರೆಗೆ ಹೆಚ್ಚಿಸುವುದಕ್ಕೂ ಸೂಚಿಸಲಾಗಿದೆ.