ಚಾರ್ಮಾಡಿ ಘಾಟಿಯಲ್ಲಿ ಎರಡನೇ ತಿರುವಿನ ಬಳಿ ಬಿರುಕು

Team Udayavani, Jul 18, 2022, 3:23 PM IST

ಬೆಳ್ತಂಗಡಿ: ರಾಷ್ಟ್ರೀಯ ಹೆದ್ದಾರಿ 73 ರ ಚಾರ್ಮಾಡಿ ಘಾಟ್ ಎರಡನೇ ತಿರುವಿನ ರಸ್ತೆಯ ಮೋರಿಯೊಂದು ಬಿರುಕು ಬಿಟ್ಟ ಘಟನೆ ಸೋಮವಾರ ನಡೆದಿದೆ.

ಶಿರಾಡಿ ಘಾಟ್ ಸಂಚಾರ ಮೊಟಕಾಗಿರುವುದರಿಂದ ಚಾರ್ಮಾಡಿ ರಸ್ತೆಗೆ ಒತ್ತಡ ಹೆಚ್ಚಿದೆ. ಇದರಿಂದ ಸಣ್ಣ ಬಿರುಕು ಉಂಟಾಗಿದೆ. ಸದ್ಯ ಸಂಚಾರಕ್ಕೆ  ಯಾವುದೇ ಸಮಸ್ಯೆ ಇಲ್ಲ. ಬಿರುಕು ಬಿಟ್ಟ ಪ್ರದೇಶದಲ್ಲಿ ಬ್ಯಾರಿಕೆಡ್ ಅಳವಡಿಸಿ, ಮರಳು ಮಿಶ್ರಿತ ಕಲ್ಲುಗಳನ್ನು ಹಾಕಿ ಹಾಕಿ ಮುಂಜಾಗ್ರತ ಕ್ರಮ ಕೈಗೊಳ್ಳಲಾಗಿದೆ.

ಕುಸಿತ ಗೊಂಡಿರುವ ಇನ್ನೊಂದು ಭಾಗದಲ್ಲಿ ಕಂದಕ ಇರುವ ಕಾರಣ ಬಸ್, ಲಾರಿ ಮೊದಲಾದ ಘನ ವಾಹನಗಳು ಸಂಚರಿಸುವಾಗ ಎಚ್ಚರಿಕೆ ವಹಿಸುವ ಅಗತ್ಯವಿದೆ.

ಇದನ್ನೂ ಓದಿ: ಬೆಳ್ತಂಗಡಿ: ಡೀಕಯ್ಯರ ಸಾವಿನಲ್ಲಿ ಅನುಮಾನದ ಛಾಯೆ!; ದಫನವಾಗಿದ್ದ ದೇಹ ಮರಣೋತ್ತರ ಪರೀಕ್ಷೆಗೆ

ಸದ್ಯ ಘಾಟ್ ರಸ್ತೆಗಳೆಲ್ಲ ಅಪಾಯದ ಸ್ಥಿತಿಯಲ್ಲಿದ್ದು, ಎಲ್ಲಡೆ ಭಾರ ಹೇರಿರುವ ಸಣ್ಣ ಲಾರಿಗಳು, ಸಾರಿಗೆ ಬಸ್ ಗಳ ಓಡಾಟ ಹೆಚ್ಚಾಗಿದೆ. ಇದರಿಂದ ರಸ್ತೆಗಳ ಅಂಚು ಅಪಾಯ ಎದುರಾಗಿದೆ.