ಡೋಕ್ಲಾಂ ಸನಿಹ ಹಳ್ಳಿ ನಿರ್ಮಿಸಿದೆಯೇ ಚೀನ?

Team Udayavani, Jul 21, 2022, 7:10 AM IST

ನವದೆಹಲಿ: 2017ರಲ್ಲಿ ಭಾರತ-ಚೀನ ನಡುವೆ 73 ದಿನಗಳ ನಿರಂತರ ಡೋಕ್ಲಾಂ ಬಿಕ್ಕಟ್ಟು ಸಂಭವಿಸಿತ್ತು. ಆದರೆ, ಈಗ ಸಿಕ್ಕಿರುವ ಚಿತ್ರಗಳ ಪ್ರಕಾರ, ಚೀನ ರಹಸ್ಯವಾಗಿ ಡೋಕ್ಲಾಂನ ಪೂರ್ವಭಾಗದಲ್ಲಿ ಒಂದು ಹಳ್ಳಿಯನ್ನೇ ನಿರ್ಮಿಸಿದೆ. ಇದು ಭೂತಾನ್‌ ದೇಶಕ್ಕೆ ಅತ್ಯಂತ ಸನಿಹವಾಗಿದೆ.

ಬಾಹ್ಯಾಕಾಶ ತಂತ್ರಜ್ಞಾನ ಮತ್ತು ಗುಪ್ತಚರ ಕಂಪನಿ ಮ್ಯಾಕ್ಸಾರ್‌ ತೆಗೆದಿರುವ ಚಿತ್ರಗಳಲ್ಲಿ ಈ ಕುರಿತ ಸುಳಿವುಗಳು ಸಿಕ್ಕಿವೆ. ಒಂದು ವೇಳೆ ಇದು ನಿಜವೇ ಆಗಿದ್ದರೆ ಭಾರತದ ಭದ್ರತೆಗೆ ಅಪಾಯಕಾರಿಯೆನ್ನಬೇಕಾದೀತು. ಇಲ್ಲಿಂದ ನೇರವಾಗಿ ಚೀನ ಡೋಕ್ಲಾಂಗೆ ಪ್ರವೇಶಪಡೆಯಲು ಸಾಧ್ಯವಾಗಲಿದೆ.

ಎನ್‌ಡಿಟೀವಿ ವರದಿ ಪ್ರಕಾರ, ಚೀನ 2ನೇ ಹಳ್ಳಿ ನಿರ್ಮಾಣವನ್ನು ಮುಗಿಸಿದೆ. ಹಾಗೆಯೇ ಮೂರನೇ ಹಳ್ಳಿ ನಿರ್ಮಾಣಕ್ಕೂ ಕೈ ಹಾಕಿದೆ! ಇದಂತೂ ನೇರವಾಗಿ ಭಾರತದ ಸಿಲಿಗುರಿ ಕಾರಿಡಾರ್‌ ಮೇಲೆಯೇ ಕಣ್ಣಿಡಲು ಚೀನಕ್ಕೆ ನೆರವಾಗಲಿದೆ. ಸಿಲಿಗುರಿ ಕಾರಿಡಾರ್‌ ಈಶಾನ್ಯ ರಾಜ್ಯಗಳು ಮತ್ತು ಭಾರತದ ಇತರೆ ಭಾಗಗಳೊಂದಿಗೆ ಸಂಪರ್ಕ ಸಾಧಿಸಲು ನೆರವಾಗುತ್ತದೆ.