ಚೆಸ್‌ ಒಲಿಂಪಿಯಾಡ್‌: ಭಾರತಕ್ಕೆ 3 ಪದಕ: ಪೋಲ್ಗರ್‌ ಭವಿಷ್ಯ

Team Udayavani, Jul 26, 2022, 11:37 PM IST

ಚೆನ್ನೈ: ಆತಿಥೇಯ ಭಾರತಕ್ಕೆ ಚೆಸ್‌ ಒಲಿಂಪಿಯಾಡ್‌ನ‌ಲ್ಲಿ 3 ಪದಕ ಗೆಲ್ಲುವ ಅವಕಾಶ ಇದೆ ಎಂಬುದಾಗಿ ಮಾಜಿ ವನಿತಾ ವಿಶ್ವ ಚಾಂಪಿಯನ್‌, ಅಮೆರಿಕ-ಹಂಗೇರಿಯನ್ನು ಪ್ರತಿನಿಧಿ ಸಿದ ಸುಸಾನ್‌ ಪೋಲ್ಗರ್‌ ಭವಿಷ್ಯ ನುಡಿದಿದ್ದಾರೆ.

ಭಾರತದ ಚೆಸ್‌ ಪ್ರಾಬಲ್ಯ ಹೆಚ್ಚುತ್ತಿರುವುದು ಹಾಗೂ ಈ ಬಾರಿ ಅತ್ಯಧಿಕ ಸಂಖ್ಯೆಯ ಸ್ಪರ್ಧಿಗಳು ಪಾಲ್ಗೊ ಳ್ಳುತ್ತಿರುವುದೇ ಇದಕ್ಕೆ ಕಾರಣ ಎಂಬುದು ಅವರ ಲೆಕ್ಕಾಚಾರ.

ಚೆನ್ನೈಯಲ್ಲಿ ಗುರುವಾರ ಆರಂಭ ಗೊಳ್ಳಲಿರುವ ಈ ಪಂದ್ಯಾವಳಿ ಆ. 10ರ ತನಕ ಸಾಗಲಿದೆ. ದಾಖಲೆಯ 187 ದೇಶಗಳ ಆಟಗಾರರು ಇದರಲ್ಲಿ ಪಾಲ್ಗೊಳ್ಳಲಿದ್ದಾರೆ. ಓಪನ್‌ ವಿಭಾಗ ದಲ್ಲಿ 188 ತಂಡಗಳು ಹಾಗೂ ವನಿತಾ ವಿಭಾಗದಲ್ಲಿ 162 ತಂಡಗಳು ಪಾಲ್ಗೊಳ್ಳಲಿವೆ.

ಅಮೆರಿಕ ಫೇವರಿಟ್‌
“ಸ್ಟಾರ್‌ ಆಟಗಾರರನ್ನು ಒಳಗೊಂಡ ಅಮೆರಿಕ ಈ ಬಾರಿಯ ನೆಚ್ಚಿನ ತಂಡ ವಾಗಿದೆ. ರಷ್ಯಾ ಮತ್ತು ಚೈನೀಸ್‌ ತೈಪೆಯ ಆಟಗಾರ್ತಿಯರು ಇಲ್ಲದಿರುವುದರಿಂದ ವನಿತಾ ವಿಭಾಗದಲ್ಲಿ ಚಿನ್ನ ಗೆಲ್ಲುವ ಅವ ಕಾಶವೊಂದು ಭಾರತಕ್ಕಿದೆ’ ಎಂಬುದು ಒಲಿಂಪಿಯಾಡ್‌ನ‌ಲ್ಲಿ ದಾಖಲೆ ಸಂಖ್ಯೆಯ 12 ಪದಕ ಗೆದ್ದಿರುವ (5 ಚಿನ್ನ, 4 ಬೆಳ್ಳಿ, 3 ಕಂಚು) ಪೋಲ್ಗರ್‌ ಅಭಿಪ್ರಾಯಪಟ್ಟರು.

ಒಲಿದದ್ದು ಒಂದೇ ಕಂಚು
2014ರ ಟ್ರೋಮೊÕ ಕೂಟದಲ್ಲಿ ಕಂಚಿನ ಪದಕವೊಂದನ್ನಷ್ಟೇ ಜಯಿಸಿದ್ದು ಭಾರತದ ಚೆಸ್‌ ಒಲಿಂಪಿಯಾಡ್‌ ಸಾಧನೆಯಾಗಿದೆ. ಅಂದು ಪುರುಷರ ತಂಡ ಸ್ಪರ್ಧೆಯಲ್ಲಿ ಭಾರತಕ್ಕೆ ಈ ಪದಕ ಒಲಿದಿತ್ತು.

ಈ ಬಾರಿ ಭಾರತದ ಅತ್ಯಧಿಕ 30 ಆಟಗಾರರು ಪಾಲ್ಗೊಳ್ಳಲಿದ್ದಾರೆ. ಇದಕ್ಕೂ ಮೊದಲು 10 ಆಟಗಾರರು ಸ್ಪರ್ಧಿಸಿದ್ದೇ ದಾಖಲೆಯಾಗಿತ್ತು.

ಉತ್ತಮ ಅವಕಾಶ
ಚೆನ್ನೈ: ಮುಂಬರುವ ಚೆಸ್‌ ಒಲಿಂಪಿಯಾಡ್‌ನ‌ಲ್ಲಿ ಭಾರತಕ್ಕೆ ಪದಕ ಗೆಲ್ಲಲು ಉತ್ತಮ ಅವಕಾಶಗಳಿವೆ ಎಂದು ಹಾಲಿ ವಿಶ್ವ ಚಾಂಪಿಯನ್‌ ಮ್ಯಾಗ್ನಸ್‌ ಕಾರ್ಲ್ಸನ್‌ ಹೇಳಿದ್ದಾರೆ. ಭಾರತದ ಪುರುಷ ಮತ್ತು ವನಿತಾ ತಂಡಗಳು ಬಲಿಷ್ಠವಾಗಿವೆ ಮಾತ್ರವಲ್ಲದೇ ಎಲ್ಲ ಆಟಗಾರರು ಉತ್ತಮ ನಿರ್ವಹಣೆ ನೀಡುವ ಸಾಮರ್ಥ್ಯ ಹೊಂದಿದ್ದಾರೆ ಎಂದರು.