ಭಾರತಕ್ಕೆ ಡಬಲ್‌ ಧಮಾಕ: ಪುರುಷರ ಟೇಬಲ್‌ ಟೆನಿಸ್‌ ತಂಡಕ್ಕೆ ಬಂಗಾರ

Team Udayavani, Aug 2, 2022, 8:55 PM IST

ಬರ್ಮಿಂಗ್‌ಹ್ಯಾಮ್‌: ಬರ್ಮಿಂಗ್‌ಹ್ಯಾಮ್‌ನಲ್ಲಿ ನಡೆದ 2022ರ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಸಿಂಗಾಪುರ ವಿರುದ್ದ ಭಾರತೀಯ ಪುರುಷರ ಟೇಬಲ್ ಟೆನಿಸ್ ತಂಡವು ಫೈನಲ್‌ನಲ್ಲಿ3-1 ಅಂತರದಿಂದ ಚಿನ್ನ ಗೆದ್ದಿದೆ.

ಇಂದು ನಡೆದ ಪುರುಷರ ಟೀಮ್ ಟೇಬಲ್ ಟೆನಿಸ್ ಫೈನಲ್‌ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಭಾರತವು, ಸಿಂಗಾಪುರವನ್ನು 3-1 ಅಂತರದಿಂದ ಸೋಲಿಸಿ ಮತ್ತೊಮ್ಮೆ ಚಿನ್ನವನ್ನು ಗೆದ್ದುಕೊಂಡಿತು. ಸದ್ಯ ಭಾರತದ ಪದಕಗಳ ಸಂಖ್ಯೆ11 ಕ್ಕೆ ಏರಿಕೆಯಾಗಿದೆ. ಇದರಲ್ಲಿ ಐದು ಚಿನ್ನ, ಮೂರು ಬೆಳ್ಳಿ ಮತ್ತು ಮೂರು ಕಂಚಿನ ಪದಕಗಳು ಸೇರಿದೆ. ಸಿಂಗಾಪುರ ಬೆಳ್ಳಿ ಗೆದ್ದರೆ, ಇಂಗ್ಲೆಂಡ್ ಪುರುಷರ ತಂಡ ನೈಜೀರಿಯಾವನ್ನು 3-0 ಅಂತರದಿಂದ ಸೋಲಿಸಿ ಕಂಚಿನ ಪದಕಕ್ಕೆ ತೃಪ್ತಿಪಟ್ಟಿತು.

ಇದನ್ನೂ ಓದಿ:ಲಾನ್‌ ಬೌಲ್ಸ್‌: ದ. ಆಫ್ರಿಕಾ ವಿರುದ್ಧ ಭಾರತ ವನಿತಾ ತಂಡದ ಚಿನ್ನದ ಬೇಟೆ

ಜಿ ಸತ್ಯನ್ ಮತ್ತು ಹರ್ಮೀತ್ ದೇಸಾಯಿ ಜೋಡಿಯು ಸಿಂಗಾಪುರ ವಿರುದ್ಧದ ಆರಂಭಿಕ ಪಂದ್ಯವನ್ನು ಗೆದ್ದುಕೊಂಡಿತು. ಸಿಂಗಾಪುರದ ಯೋಂಗ್ ಇಜಾಕ್ ಕ್ವೆಕ್ ಮತ್ತು ಯೂ ಎನ್ ಕೊಯೆನ್ ಪಾಂಗ್ ವಿರುದ್ಧ 13-11, 11-7 ಮತ್ತು 11-5 ರಿಂದ ಗೆಲುವು ಸಾಧಿಸಿದರು. ಈ ಮೂಲಕ 1-0 ಯಿಂದ ಆರಂಭಿಕ ಮುನ್ನಡೆ ಸಾಧಿಸಿದರು. ಆದರೆ, ಎರಡನೇ ಸುತ್ತಿನಲ್ಲಿ ಶರತ್ ಕಮಲ್ ಅವರ 3-1 ಅಂತರದ ಸೋಲು ಉಭಯ ದೇಶಗಳ ಅಂಕವನ್ನು ಸಮಬಲಗೊಳಿಸಿತು. 3-1 ಗೋಲುಗಳಿಂದ ಸೋಲಿಸುವ ಮೂಲಕ ಭಾರತೀಯ ಪುರುಷರ ಟೇಬಲ್ ಟೆನಿಸ್ ತಂಡವು ತನ್ನ ಕಿರೀಟವನ್ನು ಉಳಿಸಿಕೊಂಡಿದೆ.