“ನನ್ನ ಲೈಂಗಿಕ ಜೀವನ… ಕಾಫಿ ವಿತ್ ಕರಣ್‌ ಕಾರ್ಯಕ್ರಮದ ಬಗ್ಗೆ‌ ನಟಿ ತಾಪ್ಸಿ ಹೇಳಿದ್ದೇನು?

Team Udayavani, Aug 8, 2022, 12:06 PM IST

ಮುಂಬಯಿ : ಬಾಲಿವುಡ್‌ ಖ್ಯಾತ ನಿರ್ಮಾಪಕ ಕರಣ್‌ ಜೋಹರ್‌ ನಡೆಸಿ ಕೊಡುವ ʼಕಾಫಿ ವಿತ್‌ ಕರಣ್‌ʼ 7ನೇ ಸೀಸನ್‌ ನಡೆಯುತ್ತಿದೆ. ಈ ಕಾರ್ಯಕ್ರಮ ಒಂದಲ್ಲ ಒಂದು ಕಾರಣದಿಂದ ಸದಾ ಚರ್ಚೆಯಲ್ಲಿರುತ್ತದೆ.

ಕಾಫಿ ವಿತ್‌ ಕರಣ್ ಕಾರ್ಯಕ್ರಮ ಸಿನಿಮಾಗಳನ್ನು ಪ್ರಚಾರ ಮಾಡುವ ನಿಟ್ಟಿನಲ್ಲಿ ನಟ – ನಟಿಯರನ್ನು ಆಹ್ವಾನಿಸಿ ಅವರ ಬಳಿ ಮಾತುಕತೆ ನಡೆಸುವ ಕಾರ್ಯಕ್ರಮ. ಈ ಕಾರ್ಯಕ್ರಮದಲ್ಲಿ ಕೇವಲ ಸಿನಿಮಾದ ಬಗ್ಗೆ ಮಾತ್ರವಲ್ಲದೇ ನಟ – ನಟಿಯರ ವೈಯಕ್ತಿಕ ಹಾಗೂ ಖಾಸಗಿ ಜೀವನದ ಬಗ್ಗೆಯೂ ನೇರವಾಗಿ ಪ್ರಶ್ನೆ ಕೇಳಲಾಗುತ್ತದೆ. ಈ ಕಾರಣದಿಂದಾಗಿ ಕಾಫಿ ವಿತ್‌ ಕರಣ್‌ ಜನಪ್ರಿಯ ಶೋಗಳಲ್ಲೊಂದು.

ಇತ್ತೀಚೆಗೆ ಕಾಫಿ ವಿತ್‌ ಕರಣ್‌ ಸೀಸನ್‌ -7 ರಲ್ಲಿ ಇದುವರೆಗೆ ನಟಿ ಸಮಂತಾ, ಅಕ್ಷಯ್‌ ಕುಮಾರ್‌, ವಿಜಯ್‌ ದೇವರಕೊಂಡ, ಅನನ್ಯಾ ಪಾಂಡೆ  ಸೇರಿದಂತೆ  ಹಲವು ಸ್ಟಾರ್‌ ಗಳು ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಾರೆ.

ʼಲೈಗರ್‌ʼ ಚಿತ್ರದ ಪ್ರಚಾರಕ್ಕಾಗಿ ವಿಜಯ್‌ ದೇವರಕೊಂಡ ಬಂದಾಗ, ಅವರಿಗೆ ನೇರವಾಗಿ ಕರಣ್‌ ಲೈಂಗಿಕ ಜೀವನದ ಬಗ್ಗೆ ಪ್ರಶ್ನೆ ಕೇಳಿದ್ದರು. ಕೊನೆಯ ಬಾರಿ ಯಾವಾಗ ಸೆಕ್ಸ್‌ ಮಾಡಿದ್ದೀರಿ, ಮೂರು ಜನರೊಂದಿಗೆ ಲೈಂಗಿಕತೆ ನಡೆಸಲು ಇಷ್ಟ ಪಡುತ್ತೀರಾ ಈ ರೀತಿ ಪ್ರಶ್ನೆಗಳನ್ನು ಕೇಳಿದ್ದರು.

ಇದನ್ನೂ ಓದಿ: ಎಲ್ರ ಕಾಲೆಳಿಯತ್ತೆ ಕಾಲ ಚಿತ್ರದ ಗೋಲ್ಡ್‌ ಸಾಂಗ್‌ ಬಿಡುಗಡೆ

ಆ ಬಳಿಕ ʼಲಾಲ್‌ ಸಿಂಗ್‌ ಚಡ್ಡಾʼ ಚಿತ್ರದ ಪ್ರಮೋಷನ್‌ ಗಾಗಿ ನಟ ಅಮೀರ್‌ ಖಾನ್, ಕರೀನಾ ಕಪೂರ್‌ ಇತ್ತೀಚಿಗೆ ಬಂದಿದ್ದರು. ಅಲ್ಲಿಯೂ ಕರಣ್‌ ಕರೀನಾ ಅವರ ಲೈಂಗಿಕ ಜೀವನದ ಬಗ್ಗೆ ಪ್ರಶ್ನೆ ಕೇಳಿದ್ದರು. ಅದಕ್ಕೆ ಅಮೀರ್‌ ಖಾನ್‌ ಕರಣ್‌ ಅವರಿಗೆ ಖಾರವಾಗಿ ಉತ್ತರಿಸಿದ್ದರು.

ಸದ್ಯ ಬಾಲಿವುಡ್‌ ನಟಿ ತಾಪ್ಸಿ ಪನ್ನು ಕಾಫಿ ವಿತ್‌ ಕರಣ್‌ ಕಾರ್ಯಕ್ರಮಕ್ಕೆ ಟಾಂಗ್‌ ಕೊಟ್ಟು ಮಾತಾನಾಡಿರುವುದು ಸುದ್ದಿಯಾಗಿದೆ. ತಾಪ್ಸಿ ತನ್ನ ಮುಂಬರುವ ʼದೊಬಾರʼ ಚಿತ್ರದ ಪ್ರಚಾರದ ವೇಳೆ ಈ ಮಾತನ್ನು ಆಡಿದ್ದಾರೆ.

ಪತ್ರಕರ್ತರು ಕಾಫಿ ವಿತ್‌ ಕರಣ್‌ ಕಾರ್ಯಕ್ರಮಕ್ಕೆ ಹೋಗುತ್ತೀರಾ ? ಎಂದು ಪ್ರಶ್ನೆ ಕೇಳಿದ್ದಾರೆ. ಅದಕ್ಕೆ ತಾಪ್ಸಿ “ನನ್ನ ʼಲೈಂಗಿಕ ಜೀವನ ಹೆಚ್ಚು ಆಸಕ್ತಿಕರವಾಗಿಲ್ಲ ಹಾಗಾಗಿ ನನ್ನನ್ನು  ಕಾಫಿ ವಿತ್‌ ಶೋಗೆ ಕರೆದಿಲ್ಲ” ಎಂದು ತಾಪ್ಸಿ ನೇರವಾಗಿ ಹೇಳಿರುವುದು ವೈರಲ್‌ ಆಗಿದೆ.