ರಾಜ್ಯದಲ್ಲಿಂದು 1,186 ಮಂದಿಗೆ ಕೋವಿಡ್ ಸೋಂಕು ದೃಢ; ಇಬ್ಬರು ಸಾವು

Team Udayavani, Aug 27, 2022, 9:32 PM IST

ಬೆಂಗಳೂರು: ರಾಜ್ಯದಲ್ಲಿ ಶನಿವಾರ 1,186 ಮಂದಿ ಕೊರೊನಾ ಸೋಂಕಿಗೆ ತುತ್ತಾಗಿದ್ದು, ಅನಾರೋಗ್ಯದಿಂದ ಬಳಲುತ್ತಿದ್ದ ಇಬ್ಬರು ಸೋಂಕಿತರು ಮೃತಪಟ್ಟಿದ್ದಾರೆ.

ಬೆಂಗಳೂರು ನಗರ 635, ಮೈಸೂರು 121, ಹಾಸನ 62, ಚಿಕ್ಕಮಗಳೂರು 40, ಧಾರವಾಡ 28, ಕೊಡಗು, ಚಾಮರಾಜನಗರ, ಬಳ್ಳಾರಿ 27, ದಕ್ಷಿಣಕನ್ನಡ 23, ತುಮಕೂರು, ರಾಯಚೂರು 19, ಉಡುಪಿ 15, ಉತ್ತರಕನ್ನಡ 14, ಬೆಂಗಳೂರು ಗ್ರಾಮಾಂತರ, ಕೋಲಾರ 13, ಕಲಬುರಗಿ 12, ಮಂಡ್ಯ 10, ರಾಮನಗರ 8, ದಾವಣಗೆರೆ, ಬೆಳಗಾವಿ 6, ವಿಜಯಪುರ 5, ಕೊಪ್ಪಳ, ಶಿವಮೊಗ್ಗ 4, ಚಿಕ್ಕಬಳ್ಳಾಪುರ 3, ಚಿತ್ರದುರ್ಗ, ಹಾವೇರಿ, ಯಾದಗಿರಿ ಜಿಲ್ಲೆಯಲ್ಲಿ ತಲಾ ಎರಡು ಪಾಸಿಟಿವ್‌ ವರದಿಯಾಗಿದೆ.

ಶಿವಮೊಗ್ಗ ಹಾಗೂ ಬಳ್ಳಾರಿಯಲ್ಲಿ ಉಸಿರಾಟ ಸಮಸ್ಯೆಯಿಂದ ಬಳಲುತ್ತಿದ್ದ ಇಬ್ಬರು ಮೃತಪಟ್ಟಿದ್ದಾರೆ. 27,562 ಮಂದಿಯನ್ನು ಕೊರೊನಾ ಪರೀಕ್ಷೆಗೆ ಒಳಪಡಿಸಲಾಗಿತ್ತು. ಅವರಲ್ಲಿ ಶೇ.4.30ರಷ್ಟು ಮಂದಿಯಲ್ಲಿ ಸೋಂಕು ದೃಢವಾಗಿದೆ. ವಾರದ ಪಾಸಿಟಿವ್‌ ದರ ಶೇ. 2.67 ಹಾಗೂ ಗುಣಮುಖರಾಗುವವರ ಪ್ರಮಾಣ ಶೇ 98.74 ಇದೆ.

242 ಮಂದಿಗೆ ಚಿಕಿತ್ಸೆ
ರಾಜ್ಯದ ಸರ್ಕಾರಿ ಆಸ್ಪತ್ರೆಯಲ್ಲಿ ಒಟ್ಟು 242 ಮಂದಿ ಕೊರೊನಾಗೆ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಜನರಲ್‌ ಬೆಡ್‌ನ‌ಲ್ಲಿ 196, ಆಕ್ಸಿಜನ್‌ ಬೆಡ್‌ 12, ಐಸಿಯು ಬೆಡ್‌ನ‌ಲ್ಲಿ 34 ಮಂದಿ ಸೋಂಕಿತರು ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. ಖಾಸಗಿ ಆಸ್ಪತ್ರೆಯಲ್ಲಿ ಕೋವಿಡ್‌ ಸೋಂಕಿಗೆ ಸಂಬಂಧಿಸಿದಂತೆ ಚಿಕಿತ್ಸೆ ಪಡೆಯುವವರ ಸಂಖ್ಯೆ ಶೂನ್ಯವಿದೆ.