ಯುಪಿ: ಜನರಿಗೆ 300 ಕೋಟಿ ರೂ. ವಂಚನೆ ; ಇಬ್ಬರು ಮಹಾ ವಂಚಕರ ಬಂಧನ

Team Udayavani, Aug 28, 2022, 10:37 PM IST

ವಾರಾಣಸಿ: ಹಣವನ್ನು ದ್ವಿಗುಣಗೊಳಿಸುವ ನೆಪದಲ್ಲಿ ಜನರಿಗೆ 300 ಕೋಟಿ ರೂಪಾಯಿ ವಂಚಿಸಿದ ಇಬ್ಬರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಭಾನುವಾರ ತಿಳಿಸಿದ್ದಾರೆ.

ವಾರಣಾಸಿ ಪೊಲೀಸ್ ಕಮಿಷನರ್ ಎ. ಸತೀಶ್ ಗಣೇಶ್ ಮಾತನಾಡಿ, ಸೀತ ನಾಲ್ಕು ವರ್ಷಗಳಲ್ಲಿ ತಮ್ಮ ಹಣವನ್ನು ದ್ವಿಗುಣಗೊಳಿಸುವುದಾಗಿ ಹೇಳಿಕೊಂಡು ಜನರನ್ನು ವಂಚಿಸುತ್ತಿದ್ದ. ಶನಿವಾರ ರಾತ್ರಿ ಸೀತನನ್ನು ವಾರಾಣಸಿ ಪೊಲೀಸರು ಲಕ್ನೋದಿಂದ ಬಂಧಿಸಿದರೆ, ಆಕೆಯ ಗ್ಯಾಂಗ್‌ನ ಇನ್ನೊಬ್ಬ ಸದಸ್ಯ ಬಾಲ್‌ಚಂದ್ ಚೌರಾಸಿಯಾನನ್ನು ಬಲ್ಲಿಯಾದಿಂದ ಬಂಧಿಸಲಾಗಿದೆ.

ಬಿಹಾರ, ಮಧ್ಯಪ್ರದೇಶ, ಪಶ್ಚಿಮ ಬಂಗಾಳ, ಛತ್ತೀಸ್‌ಗಢ ಮತ್ತು ಇತರ ರಾಜ್ಯಗಳಲ್ಲಿ ಆರೋಪಿಗಳ ವಿರುದ್ಧ ಉತ್ತರ ಪ್ರದೇಶದ ಆರ್ಥಿಕ ಅಪರಾಧ ವಿಭಾಗದಿಂದ ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಗಣೇಶ್ ಹೇಳಿದರು.

ಗ್ಯಾಂಗ್ 300 ಕೋಟಿ ರೂ.ಗಳಿಂದ ಭೂಮಿ, ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು ಮತ್ತು ಇತರ ಆಸ್ತಿಗಳನ್ನು ಖರೀದಿಸಿದೆ ಮತ್ತು ಹಿಂದಿ, ಭೋಜ್‌ಪುರಿ ಮತ್ತು ಮರಾಠಿಯಲ್ಲಿ ಚಲನಚಿತ್ರಗಳನ್ನು ನಿರ್ಮಿಸಿದೆ ಎಂದು ಗಣೇಶ್ ಹೇಳಿದರು.

ಬಂಧಿಸಿರುವ ತಂಡಕ್ಕೆ 50 ಸಾವಿರ ನಗದು ಬಹುಮಾನ ನೀಡಲಾಗುತ್ತಿದೆ.