ರಾಜಸ್ಥಾನದ ಹೆಸರನ್ನೂ ಬದಲಾಯಿಸಿ : ಪ್ರಧಾನಿಗೆ ಶಶಿ ತರೂರ್ ಸವಾಲು

Team Udayavani, Sep 11, 2022, 8:14 PM IST

ನವದೆಹಲಿ: ಶನಿವಾರದಂದು ಕಾಂಗ್ರೆಸ್ ನಾಯಕ ಶಶಿ ತರೂರ್ ಅವರು ರಾಜಪಥವನ್ನು ಕರ್ತವ್ಯ ಪಥ್ ಎಂದು ಮರುನಾಮಕರಣ ಮಾಡುವ ಬಗ್ಗೆ ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿದ್ದು , ಇತರ ರಾಜಭವನಗಳಿಗೂ ಕರ್ತವ್ಯ ಭವನ ಎಂದು ಮರುನಾಮಕರಣ ಮಾಡಬೇಕೇ ಎಂದು ಕೇಳಿದ್ದಾರೆ. ಅವರು ರಾಜಸ್ಥಾನವನ್ನು ಕರ್ತವ್ಯಸ್ಥಾನ ಎಂದು ಮರುನಾಮಕರಣ ಮಾಡಲು ಸಲಹೆ ನೀಡಿದರು.

“ರಾಜ್ ಪಥ್ ಅನ್ನು ಕರ್ತವ್ಯ ಪಥ ಎಂದು ಮರುನಾಮಕರಣ ಮಾಡಿದರೆ, ಎಲ್ಲಾ ರಾಜಭವನಗಳನ್ನು ಕರ್ತವ್ಯ ಭವನ ಎಂದು ಮರುನಾಮಕರಣ ಮಾಡಬೇಕಲ್ಲವೇ?” ಎಂದು ಅವರು ಟ್ವೀಟ್ ಮಾಡಿದ್ದಾರೆ. “ಅಲ್ಲಿ ಯಾಕೆ ನಿಲ್ಲಿಸಬೇಕು? ರಾಜಸ್ಥಾನ ಕರ್ತವ್ಯಸ್ಥಾನ ಎಂದು ಮರುನಾಮಕರಣ ಮಾಡಬಾರದು?” ಎಂದಿದ್ದಾರೆ.

ಟಿಎಂಸಿ ಸಂಸದೆ ಮಹುವಾ ಮೊಯಿತ್ರಾ ಅವರು ಶುಕ್ರವಾರ ಟ್ವೀಟ್ ಮಾಡಿ ಇದೇ ಪ್ರಶ್ನೆಯನ್ನು ಎತ್ತಿದ್ದರು, “ಎಲ್ಲಾ ರಾಜಭವನಗಳನ್ನು ಈಗ ಕರ್ತವ್ಯ ಭವನಗಳು ಎಂದು ಕರೆಯಲಾಗುತ್ತದೆ?” ಶನಿವಾರ, ಅವರು ಮತ್ತೊಂದು ಟ್ವೀಟ್  ಮಾಡಿ “ಈ ಮಧ್ಯೆ ಪಶ್ಚಿಮ ಬಂಗಾಳಕ್ಕೆ ಹೊಸ ಬಿಜೆಪಿ ಉಸ್ತುವಾರಿ ವಹಿಸಿರುವವರು ಕರ್ತವ್ಯಧಾನಿ ಎಕ್ಸ್‌ಪ್ರೆಸ್‌ನಲ್ಲಿ ಸೀಲ್ದಾಹ್‌ಗೆ ತಮ್ಮ ಕರ್ತವ್ಯ ಗಳನ್ನು ಆನಂದಿಸಿ ನಂತರ ಉತ್ತಮವಾದ ಸಿಹಿ ಕರ್ತವ್ಯ ಭೋಗ ವನ್ನು ಆನಂದಿಸಬಹುದು” ಎಂದು ಲೇವಡಿ ಮಾಡಿದ್ದರು.