ರಾಹುಲ್ ಭಾರತ್ ಜೋಡೋ ಯಾತ್ರೆ :ಪಿಕ್‌ಪಾಕೆಟರ್ ಗಳ ಕೈಚಳಕ

Team Udayavani, Sep 12, 2022, 7:01 PM IST

ತಿರುವನಂತಪುರಂ: ಇಲ್ಲಿ ನಡೆದ ಕಾಂಗ್ರೆಸ್‌ನ ‘ಭಾರತ್ ಜೋಡೋ ಯಾತ್ರೆ’ ಮೆರವಣಿಗೆಸಾವಿರಾರು ಜನರನ್ನು ಸೆಳೆಯಿತು ಮತ್ತು ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರನ್ನು ನೋಡಲು ಬಂದ ಜನಸಮೂಹದ ನಡುವೆ ಜೇಬುಗಳ್ಳರೂ ಕೈಚಳಕ ತೋರಿದ್ದಾರೆ.

ಕರಮಣ ಪೊಲೀಸ್ ಠಾಣೆಯ ಅಧಿಕಾರಿಯೊಬ್ಬರು ಮಾತನಾಡಿ, ಒಂದು ದಿನದ ಹಿಂದೆ ಮತ್ತು ಸೋಮವಾರ ಯಾತ್ರೆ ಸಾಗಿದ ಪ್ರದೇಶಗಳಲ್ಲಿ ಜೇಬುಗಳ್ಳತನದ ಘಟನೆಗಳು ವರದಿಯಾಗಿವೆ, ಅಪರಾಧಗಳು ನಡೆದ ಸ್ಥಳಗಳ ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಲಬೇಕಾಗಿ ಬಂದಿದೆ ಎಂದು ಹೇಳಿದ್ದಾರೆ.

“ಸಿಸಿಟಿವಿ ದೃಶ್ಯಗಳಿಂದ, ನಾಲ್ಕು ಸದಸ್ಯರ ಗ್ಯಾಂಗ್ ಅನ್ನು ಗುರುತಿಸಲಾಗಿದ್ದು, ಅವರು ಯಾತ್ರೆಯ ಭಾಗವಾಗಿರಲಿಲ್ಲ. ಅವರು ತಮಿಳುನಾಡಿನವರು ಅಥವಾ ಪಿಕ್‌ಪಾಕೆಟ್ ಮಾಡುವ ಗ್ಯಾಂಗ್ ಗಳ ಹಿಂದೆ ಇದ್ದಾರೆಯೇ ಎಂಬುದು ಖಚಿತವಾಗಿಲ್ಲ” ಎಂದು ಅಧಿಕಾರಿ ತಿಳಿಸಿದ್ದಾರೆ.

ಇಷ್ಟೊಂದು ಸಂಖ್ಯೆಯಲ್ಲಿ ಜನ ಸೇರುವಾಗ ಜೇಬುಗಳ್ಳರು ಬರುವುದು ಖಚಿತ ಆದರೂ, ಪರಿಸ್ಥಿತಿಯ ಮೇಲೆ ನಿಗಾ ಇಡಲು ಸಾಮಾನ್ಯ ಉಡುಪಿನಲ್ಲಿ ಅಧಿಕಾರಿಗಳನ್ನು ನಿಯೋಜಿಸಲಾಗಿದೆ ಎಂದು ಅವರು ಹೇಳಿದರು.