ಸಮವಸ್ತ್ರ ನಿಗದಿ ಅಧಿಕಾರ ಕಿತ್ತುಕೊಳ್ಳಲಾಗದು: ಸು.ಕೋರ್ಟ್‌

Team Udayavani, Sep 16, 2022, 7:20 AM IST

ಹೊಸದಿಲ್ಲಿ: “ಸಮವಸ್ತ್ರವನ್ನು ನಿಗದಿಪಡಿಸುವ ಶಾಲೆಗಳ ಅಧಿಕಾರ  ಕಿತ್ತುಕೊಳ್ಳಲಾಗುವು ದಿಲ್ಲ’ ಎಂದು ಸುಪ್ರೀಂ ಕೋರ್ಟ್‌ ಅಭಿಪ್ರಾಯಪಟ್ಟಿದೆ.

ನಿಯಮಗಳ ಪ್ರಕಾರ ಸಮವಸ್ತ್ರ ನಿಗದಿಪಡಿಸುವ ಅಧಿಕಾರ ಶಾಲೆಗಳಿಗಿದೆ. ಆ ಅಧಿಕಾರವನ್ನು ಮೊಟಕು ಗೊಳಿಸಲಾಗದು ಎಂದು ನ್ಯಾಯಪೀಠ ಮೌಖೀಕವಾಗಿ ಅಭಿಪ್ರಾಯಪಟ್ಟಿತು.

ಹಲವು ರಾಷ್ಟ್ರಗಳಲ್ಲಿ ಹಿಜಾಬ್‌ ಧರಿಸುವುದು ಅವರ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಪದ್ಧತಿ ಎಂದು ಗುರುತಿಸಲ್ಪಟ್ಟಿದೆ. ಸಾರ್ವಜನಿಕ ಸುವ್ಯವಸ್ಥೆಗೆ ಭಂಗ ತರದಂಥ, ನೈತಿಕತೆಗೆ ವಿರುದ್ಧವಾಗಿರದಂಥ ಧಾರ್ಮಿಕ ಪದ್ಧತಿಯೊಂದನ್ನು ನಾವು ನಿರ್ಬಂಧಿಸಿದರೆ, ನಾವು ನಮ್ಮ ಮಕ್ಕಳಿಗೆ ಧಾರ್ಮಿಕ ಸಹಿಷ್ಣುತೆಯನ್ನು ಕಲಿಸಿಕೊಡುತ್ತಿಲ್ಲ ಎಂದರ್ಥ’ ಎಂದು ಅರ್ಜಿದಾರರ ಪರ ಹಿರಿಯ ವಕೀಲರಾದ ಮೀನಾಕ್ಷಿ ಅರೋರಾ ವಾದಿಸಿದರು. ಬಳಿಕ ನ್ಯಾಯಪೀಠವು ಸೆ.19ಕ್ಕೆ ವಿಚಾರಣೆಯನ್ನು ಮುಂದೂಡಿತು.