ಬರೋಬ್ಬರಿ 55 ಬ್ಯಾಟರಿ ನುಂಗಿದ ಮಹಿಳೆ!: ಕಾರಣವೇನು ಗೊತ್ತೇ?…

Team Udayavani, Sep 19, 2022, 7:30 AM IST

ಡಬ್ಲಿನ್‌: ಐರ್ಲ್ಯಾಂಡ್‌ನ‌ ಮಹಿಳೆಯೊಬ್ಬರು ಆತ್ಮಹತ್ಯೆ ಮಾಡಿಕೊಳ್ಳಲು 55 ಬ್ಯಾಟರಿಗಳನ್ನು ನುಂಗಿದ್ದು, ಇದನ್ನು ಶಸ್ತ್ರಚಿಕಿತ್ಸೆ ಮೂಲಕ ವೈದ್ಯರು ಹೊರತೆಗೆದಿದ್ದಾರೆ. ವರದಿಗಳ ಪ್ರಕಾರ ಈ ರೀತಿ ಒಟ್ಟು 55 ಬ್ಯಾಟರಿಗಳನ್ನು ನುಂಗಿದ್ದು ಗರಿಷ್ಠ ಸಂಖ್ಯೆಯಾಗಿದೆ.

ಐರ್ಲ್ಯಾಂಡ್‌ ರಾಜಧಾನಿ ಡಬ್ಲಿನ್‌ನ ಸೇಂಟ್‌ ವಿನ್ಸೆಂಟ್‌ ವಿವಿ ಆಸ್ಪತ್ರೆಯ ವೈದ್ಯರು 66 ವರ್ಷದ ಮಹಿಳೆಯ ಹೊಟ್ಟೆಯಿಂದ ಬ್ಯಾಟರಿಗಳನ್ನು ಹೊರತೆಗೆದಿದ್ದಾರೆ. ಜತೆಗೆ ಆಕೆ ಅಪಾಯದಿಂದ ಪಾರಾಗಿದ್ದಾಳೆ.

“ಮಹಿಳೆಯ ಹೊಟ್ಟೆಯ ಭಾಗದ ಎಕ್ಸ್‌ರೇ ನಂತರ ಮಹಿಳೆ ನುಂಗಿದ ಬ್ಯಾಟರಿಗಳ ಸಂಖ್ಯೆ ತಿಳಿಯಿತು.  ಮೊದಲ ವಾರ ಗುದದ್ವಾರದ ಮೂಲಕ ಕೇವಲ 5 ಬ್ಯಾಟರಿ ಮಾತ್ರ ಹೊರಬಂತು. ಉಳಿದವು ಹೊಟ್ಟೆಯಲ್ಲಿ ಉಳಿಯಿತು. ಬಾಕಿ 46 ಬ್ಯಾಟರಿಗಳನ್ನು ಶಸ್ತ್ರಚಿಕಿತ್ಸೆ ಮೂಲಕ ಹೊರತೆಗೆಯಲಾಯಿತು,’ ಎಂದು ವೈದ್ಯರು ತಿಳಿಸಿದ್ದಾರೆ.