ಲೇಡಿ ರೂಮ್‌ಮೇಟ್ ಬೇಕಾಗಿದ್ದಾರೆ… ಫೇಸ್‌ಬುಕ್‌ನಲ್ಲಿ ಜಾಹೀರಾತು ನೀಡಿದ ವ್ಯಕ್ತಿ! ವೈರಲ್‌

Team Udayavani, Sep 25, 2022, 1:14 PM IST

ಅಮೆರಿಕ : ಸಾಮಾನ್ಯವಾಗಿ ಮಾಧ್ಯಮಗಳಲ್ಲಿ ಕೆಲಸ ಖಾಲಿ ಇದೆ, ಪಿಜಿ ಖಾಲಿ ಇದೆ, ಕೆಲಸಕ್ಕೆ ಜನ ಬೇಕಾಗಿದ್ದಾರೆ ಎಂದು ಜಾಹೀರಾತು ನೀಡುವುದು ಸಾಮಾನ್ಯ. ಆದರೆ ಇಲ್ಲೊಬ್ಬ ವ್ಯಕ್ತಿ ಸಾಮಾಜಿಕ ಜಾಲತಾಣಗಳಲ್ಲಿ ನೀಡಿದ ಜಾಹೀರಾತು ನೋಡಿ ನೆಟ್ಟಿಗರೇ ದಂಗಾಗಿದ್ದಾರೆ.

ಇದನ್ನೂ ಓದಿ : ಅತಿಯಾದ ಸ್ಲೆಡ್ಜಿಂಗ್; ಯಶಸ್ವಿ ಜೈಸ್ವಾಲ್’ರನ್ನು ಮೈದಾನದಿಂದ ಹೊರಗೆ ಕಳುಹಿಸಿದ ರಹಾನೆ| VIDEO

ಹೌದು, ಅಮೆರಿಕದ ಡೆಡ್ರಾಯಿಟ್‌ ಎಂಬ ಪ್ರದೇಶದ ವ್ಯಕ್ತಿಯೊಬ್ಬ ಫ್ಲಾಟ್‌ನಲ್ಲಿ ವಾಸಿಸುತ್ತಿದ್ದು, ಆತನ ಜೊತೆ ವಾಸಿಸಲು ಲೇಡಿ ರೂಮ್‌ಮೇಟ್‌ಗಳು ಬೇಕು ಎಂದು ತನ್ನ ಫೇಸ್‌ಬುಕ್‌ ಖಾತೆಯಲ್ಲಿ ಪೊಸ್ಟ್‌ ಹಾಕಿದ್ದಾನೆ. ಇವಿಷ್ಟೇ ಅಲ್ಲದೇ, ಕೆಲವೊಂದು ಷರತ್ತುಗಳನ್ನು ಹಾಕಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್‌ ಆಗಿದ್ದು, ನೆಟ್ಟಿಗರು ಕಮೆಂಟ್‌ಗಳನ್ನು ಹಾಕಿದ್ದಾರೆ.

ಷರತ್ತಿನಲ್ಲಿ ಏನಿದೆ :

ಅಂದ ಹಾಗೆ ಈ ಪೋಸ್ಟ್ ಹಾಕಿರುವ ವ್ಯಕ್ತಿಗೆ ಸುಮಾರು 45 ವರ್ಷ ಈ ವ್ಯಕ್ತಿ ತನ್ನ ರೂಮ್‌ಮೇಟ್‌ಗಳಾಗಿ ಬರುವವರಿಗೆ ಕೆಲವೊಂದು ಷರತ್ತುಗಳನ್ನು ಹಾಕಿದ್ದು, ಅವುಗಳನ್ನು ಪಾಲಿಸುವವರು ಮಾತ್ರ ಬರಬಹುದು ಎಂದು ಜಾಹೀರಾತಿನಲ್ಲಿ ಹಾಕಿದ್ದಾನೆ.  ಆತನ ರೂಮ್‌ಮೇಟ್‌ಗಳಾಗಿ ಬರುವವರು 18 ರಿಂದ 25 ವರ್ಷದವರಾಗಿರಬೇಕು ಜೊತೆಗೆ ನೋಡಲು ಸುಂದರವಾಗಿಬೇಕೆಂದು ಬರೆದಿದ್ದಾನೆ.

ಯುವತಿಯ ಬಾಯ್‌ ಫ್ರೆಂಡ್‌ ಮನೆಗೆ ಬರುವಂತಿಲ್ಲ!
ಮನೆಗೆ ಬರುವ ಯುವತಿಗೆ ಒಳ್ಳೆಯ ಗುಣಗಳನ್ನು ಹೊಂದಿರಬೇಕು, ಮನೆಯನ್ನು ಸ್ವಚ್ಛಗೊಳಿಸಬೇಕು, ಅಡುಗೆ ಮಾಡಲು ಬರಬೇಕು. ಅಲ್ಲದೇ ಆಕೆ ಸಿಗರೇಟ್ ಸೇದಬಾರದು, ಮದ್ಯವ್ಯಸನಿಯಾಗಿರಬಾರದು, ನಾಯಿ ಸಾಕಬಾರದು ಮುಖ್ಯವಾಗಿ ಆಕೆಯ ಬಾಯ್‌ ಫ್ರೆಂಡ್ಸ್‌ ಯಾರೂ ಮನೆಗೆ ಬರಬಾರದು ಎಂದು ಷರತ್ತು ಹಾಕಿದ್ದಾನೆ.

ಬೆಡ್‌ರೂಮ್‌ನಲ್ಲಿ ಮಲಗಲು ಅವಕಾಶ!
ಈ ವ್ಯಕ್ತಿ ಸಿಂಗಲ್‌ ಬೆಡ್‌ರೂಮ್‌ ಫ್ಲಾಟ್‌ನಲ್ಲಿ ವಾಸವಾಗಿರುವುದರಿಂದ ಆತನ ರೂಮ್‌ಮೇಟ್‌ ಆಗಿರುವವರು ಹಾಲ್‌ನಲ್ಲಿರುವ ಸೋಫಾದಲ್ಲಿ ಮಲಗಬಹುಂತೆ. ಆಲ್ಲದೇ ಆಕೆ ಆತನ ಬೆಡ್‌ರೂಂನಲ್ಲೂ ಬಂದು ಮಲಗಲು ಅವಕಾಶವಿದೆ ಎಂದು ಹೇಳಿಕೊಂಡಿದ್ದಾನೆ.

ಈ ಪೋಸ್ಟ್‌ ಈಗ ಭಾರಿ ವೈರಲ್‌ ಆಗುತ್ತಿದ್ದು, ನೆಟ್ಟಿಗರು ತರಹೇವಾರಿ ಕಮೆಂಟ್‌ಗಳನ್ನು ಹಾಕುತ್ತಿದ್ದಾರೆ. ಆದರೆ ಈತನ ಕಂಡೀಷನ್ಸ್‌ಗಳನ್ನು ಒಪ್ಪಿಕೊಂಡು ಲೇಡಿರೂಮ್‌ಮೇಟ್‌ಗಳು ಸಿಕ್ಕಿದ್ದಾರೆಯೇ, ಇಲ್ಲವೇ ಎನ್ನುವ ವಿಚಾರ ತಿಳಿದಿಲ್ಲ.