ಟಿ20: ಪಾಕ್‌ ಮುನ್ನಡೆ

Team Udayavani, Sep 29, 2022, 8:05 PM IST

ಲಾಹೋರ್‌: ಇಂಗ್ಲೆಂಡ್‌ ಎದುರಿನ 5ನೇ ಟಿ20 ಪಂದ್ಯವನ್ನು 6 ರನ್ನುಗಳಿಂದ ಗೆದ್ದ ಪಾಕಿಸ್ಥಾನವೀಗ 3-2 ಮುನ್ನಡೆ ಸಾಧಿಸಿದೆ.

ಲಾಹೋರ್‌ನಲ್ಲಿ ನಡೆದ ಮುಖಾಮುಖಿಯಲ್ಲಿ ಪಾಕಿಸ್ಥಾನ 19 ಓವರ್‌ಗಳಲ್ಲಿ 145ಕ್ಕೆ ಆಲೌಟ್‌ ಆಗಿಯೂ ಈ ಸಾಮಾನ್ಯ ಮೊತ್ತವನ್ನು ಉಳಿಸಿಕೊಂಡಿತು. ಇಂಗ್ಲೆಂಡ್‌ 20 ಓವರ್‌ಗಳಲ್ಲಿ 7 ವಿಕೆಟಿಗೆ 139 ರನ್‌ ಮಾಡಿ ಗುರಿಯಿಂದ ದೂರವೇ ಉಳಿಯಿತು.

ಪಾಕ್‌ ಸಂಘಟಿತ ಬೌಲಿಂಗ್‌ ದಾಳಿ ಮೂಲಕ ಆಂಗ್ಲರ ಪಡೆಯನ್ನು ಹಿಡಿದು ನಿಲ್ಲಿಸಿತು. ಎಲ್ಲ 6 ಬೌಲರ್ ವಿಕೆಟ್‌ ಉರುಳಿಸಿದರು. ಕಪ್ತಾನನ ಆಟವಾಡಿದ ಮೊಯಿನ್‌ ಅಲಿ ಅಜೇಯ 51 ರನ್‌ ಬಾರಿಸಿದರೂ ತಂಡವನ್ನು ದಡ ಸೇರಿಸುವಲ್ಲಿ ವಿಫ‌ಲರಾದರು.

ಪಾಕಿಸ್ಥಾನ ಪರ ಆರಂಭಕಾರ ಮೊಹಮ್ಮದ್‌ ರಿಜ್ವಾನ್‌ ಇನ್ನೊಂದು ಸೊಗಸಾದ ಬ್ಯಾಟಿಂಗ್‌ ಪ್ರದರ್ಶನ ನೀಡಿ 63 ರನ್‌ ಬಾರಿಸಿದರು (46 ಎಸೆತ, 2 ಬೌಂಡರಿ, 3 ಸಿಕ್ಸರ್‌). ಇನ್ನೊಂದು ತುದಿಯಲ್ಲಿ ವಿಕೆಟ್‌ ಬೀಳುತ್ತ ಹೋದರೂ 18ನೇ ತನಕ ಕ್ರೀಸ್‌ ಆಕ್ರಮಿಸಿಕೊಂಡು ತಂಡದ ರಕ್ಷಣೆಗೆ ನಿಂತರು.

ಸಂಕ್ಷಿಪ್ತ ಸ್ಕೋರ್‌: ಪಾಕಿಸ್ಥಾನ-19 ಓವರ್‌ಗಳಲ್ಲಿ 145 (ರಿಜ್ವಾನ್‌ 63, ಇಫ್ತಿಖಾರ್‌ 15, ವುಡ್‌ 20ಕ್ಕೆ 3, ವಿಲ್ಲಿ 23ಕ್ಕೆ 2, ಸ್ಯಾಮ್‌ ಕರನ್‌ 23ಕ್ಕೆ 2). ಇಂಗ್ಲೆಂಡ್‌-7 ವಿಕೆಟಿಗೆ 139 (ಅಲಿ ಔಟಾಗದೆ 51, ಮಲಾನ್‌ 36, ಕರನ್‌ 17, ರವೂಫ್ 41ಕ್ಕೆ 2). ಪಂದ್ಯಶ್ರೇಷ್ಠ: ಮೊಹಮ್ಮದ್‌ ರಿಜ್ವಾನ್‌.