“ಗೇ” ಸಾಲಿಗೆ ಸೇರಿದ ಮತ್ತೊಬ್ಬ ಖ್ಯಾತ ಫುಟ್ಬಾಲಿಗ: ನನ್ನನ್ನು ಗೌರವಿಸಿ ನಾನು…

Team Udayavani, Oct 9, 2022, 8:39 PM IST

ನವದೆಹಲಿ: ಖ್ಯಾತ ಫುಟ್ಬಾಲ್‌ ತಂಡವಾದ ರಿಯಲ್ ಮ್ಯಾಡ್ರಿಡ್ ನ ಮಾಜಿ ನಾಯಕ ಇಕರ್ ಕ್ಯಾಸಿಲಾಸ್ ತಾವು ಮಾಡಿದ ನಿರ್ಧಾರದಿಂದ ಸೋಶಿಯಲ್‌ ಮೀಡಿಯಾದಲ್ಲಿ ಸದ್ದಾಗಿದ್ದಾರೆ.

ಖ್ಯಾತ ಮಾಜಿ ಗೋಲ್‌ ಕೀಪರ್‌ ಗಳಲ್ಲಿ ಒಂದಾಗಿರುವ 41 ವರ್ಷದ ಇಕರ್ ಕ್ಯಾಸಿಲಾಸ್ ತಾನು “ಗೇ” ಆಗಲಿದ್ದೇನೆ ಎನ್ನುವ ಸುದ್ದಿಯನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಘೋಷಿಸಿಕೊಂಡಿದ್ದಾರೆ.

ಟ್ವಟಿರ್‌ ನಲ್ಲಿ ಇಕರ್ ಕ್ಯಾಸಿಲಾಸ್ “ನೀವು ನನ್ನನ್ನು ಗೌರವಿಸುತ್ತೀರಿ ಎಂದು ನಾನು ಭಾವಿಸುತ್ತೇನೆ, ನಾನು ಸಲಿಂಗಕಾಮಿ” ಎಂದು ಬರೆದುಕೊಂಡಿದ್ದಾರೆ. ಈ ನಿರ್ಣಯಕ್ಕೆ ಹಲವು ಮಂದಿ ಕಮೆಂಟ್‌ ಮಾಡಿದ್ದು, ಬಾರ್ಸಿಲೋನಾ ತಂಡದ ಮಾಜಿ ನಾಯಕ ಕಾರ್ಲೆಸ್ ಪುಯೋಲ್, ಇದು ನಮ್ಮ ಕಥೆಯನ್ನು ಹೇಳುವ ಸಮಯ ಎಂದು ಪೋಸ್ಟ್ ಮಾಡಿ, ಇಕರ್ ಕ್ಯಾಸಿಲಾಸ್ ಅವರ ಬೆನ್ನಿಗೆ ನಿಂತಿದ್ದಾರೆ.

ಸ್ಪೇನ್ ಮತ್ತು ರಿಯಲ್ ಮ್ಯಾಡ್ರಿಡ್ ಎರಡೂ ತಂಡಗಳೊಂದಿಗೆ ಆಡಿದ್ದು, ವಿಶ್ವಕಪ್, ಎರಡು ಯುರೋಪಿಯನ್ ಚಾಂಪಿಯನ್‌ಶಿಪ್‌ಗಳು, ಐದು ಲಾ ಲೀಗಾ ಚಾಂಪಿಯನ್‌ಶಿಪ್‌ಗಳು ಮತ್ತು ಮೂರು ಚಾಂಪಿಯನ್ಸ್ ಲೀಗ್ ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ. 9 ವರ್ಷದವರಿದ್ದಾಗ ಫುಟ್ಬಾಲ್‌ ಆಡಲು ತಂಡಕ್ಕೆ ಸೇರಿಕೊಂಡಿದ್ದರು.

ಕ್ಯಾಸಿಲಾಸ್ ಕ್ರೀಡಾ ಪತ್ರಕರ್ತೆ ಸಾರಾ ಕಾರ್ಬೊನೆರೊ ಅವರನ್ನು ವಿವಾಹವಾಗಿದ್ದರು. ಕಳೆದ ವರ್ಷದ ಮಾರ್ಚ್‌ನಲ್ಲಿ ಇಬ್ಬರು ವಿಚ್ಚೇದನ ಪಡೆದಿದ್ದರು. ಇಬ್ಬರು ಪರಸ್ಪರ ದೂರವಿದ್ದರೂ, ತಮ್ಮ ಮಕ್ಕಳನ್ನು ನೋಡಿಕೊಳ್ಳುತ್ತಿದ್ದಾರೆ.

ಇತ್ತೀಚೆಗೆ ಹದಿಹರೆಯದ ವಯಸ್ಸಿನ ಫುಟ್ಬಾಲ್‌ ಆಟಗಾರ ಜೇಕ್ ಡೇನಿಯಲ್ಸ್, ಅಮೆರಿಕಾದ ಕೊಲಿನ್ ಮಾರ್ಟಿನ್, ಆಸ್ಟ್ರೇಲಿಯದ ಫುಟ್ಬಾಲ್‌ ಆಟಗಾರ ಜೋಶ್ ಕವಾಲ್ಲೊ ಸಲಿಂಗ ಕಾಮಿ( ಗೇ) ಆಗಿರುವುದನ್ನು ಹೇಳಿಕೊಂಡಿದ್ದರು.

Cuenta hackeada. Por suerte todo en orden. Disculpas a todos mis followers. Y por supuesto, más disculpas a la comunidad LGTB. ?

— Iker Casillas (@IkerCasillas) October 9, 2022