ಐಸಿಸಿ ಬ್ಯಾಟಿಂಗ್‌ ರ್‍ಯಾಂಕಿಂಗ್‌: ಶಿಖರ್‌ ಧವನ್‌ 6 ಸ್ಥಾನ ಕುಸಿತ

Team Udayavani, Oct 12, 2022, 11:20 PM IST

ದುಬಾೖ: ಪ್ರವಾಸಿ ದಕ್ಷಿಣ ಆಫ್ರಿಕಾ ವಿರುದ್ಧ ಭಾರತ ಏಕದಿನ ಸರಣಿ ಗೆದ್ದ ಸಂಭ್ರಮದಲ್ಲಿದ್ದರೂ ನಾಯಕ ಶಿಖರ್‌ ಧವನ್‌ ಪಾಲಿಗೆ ಇದು ಬ್ಯಾಟಿಂಗ್‌ ವೈಫ‌ಲ್ಯದ ಸರಣಿಯಾಗಿ ಪರಿಣಮಿಸಿದೆ. ಇದರ ಪರಿಣಾಮವೆಂಬಂತೆ, ಐಸಿಸಿ ಬ್ಯಾಟಿಂಗ್‌ ರ್‍ಯಾಂಕಿಂಗ್‌ನಲ್ಲಿ ಅವರು 6 ಸ್ಥಾನಗಳ ಕುಸಿತ ಕಂಡು 17ಕ್ಕೆ ಇಳಿದಿದ್ದಾರೆ.

ಈ ಸರಣಿಯಲ್ಲಿ ಆಡದ ವಿರಾಟ್‌ ಕೊಹ್ಲಿ ಕೂಡ ರ್‍ಯಾಂಕಿಂಗ್‌ ಕುಸಿತ ಕಂಡಿದ್ದಾರೆ. ಕೊಹ್ಲಿ ಒಂದು ಸ್ಥಾನ ಕೆಳಕ್ಕಿಳಿದಿದ್ದು 7ಕ್ಕೆ ಬಂದಿದ್ದಾರೆ. ನಾಯಕ ರೋಹಿತ್‌ ಶರ್ಮ 8ನೇ ಸ್ಥಾನ ಉಳಿಸಿಕೊಂಡಿದ್ದಾರೆ.

ಅಗ್ರ ಹತ್ತರಲ್ಲಿರುವ ಭಾರತದ ಬ್ಯಾಟರ್‌ಗಳೆಂದರೆ ಇವರಿಬ್ಬರು ಮಾತ್ರ. ಸರಣಿಯಲ್ಲಿ ಅಮೋಘ ಬ್ಯಾಟಿಂಗ್‌ ಪ್ರದರ್ಶನ ನೀಡಿದ ಶ್ರೇಯಸ್‌ ಅಯ್ಯರ್‌ (33), ಸಂಜು ಸ್ಯಾಮ್ಸನ್‌ (93) ಗಮನಾರ್ಹ ಪ್ರಗತಿ ಸಾಧಿಸಿದ್ದಾರೆ.