ಅಫ್ಘಾನಿಸ್ಥಾನ ದಿಟ್ಟ ಹೋರಾಟ; ಇಂಗ್ಲೆಂಡ್ಗೆ ಪ್ರಯಾಸದ ಜಯ
Team Udayavani, Oct 22, 2022, 11:00 PM IST
ಪರ್ತ್: ಸಣ್ಣ ಮೊತ್ತ ಪೇರಿಸಿಯೂ ದಿಟ್ಟ ಹೋರಾಟವೊಂದನ್ನು ಪ್ರದರ್ಶಿಸಿದ ಅಫ್ಘಾನಿಸ್ಥಾನ ತಂಡ ಇಂಗ್ಲೆಂಡ್ ಎದುರಿನ ಸೂಪರ್-12 ಪಂದ್ಯದಲ್ಲಿ ವೀರೋಚಿತ ಸೋಲು ಕಂಡಿದೆ. ಇಂಗ್ಲೆಂಡ್ 5 ವಿಕೆಟ್ ಅಂತರದ ಪ್ರಯಾಸದ ಗೆಲುವು ದಾಖಲಿಸಿದೆ.
ಎಡಗೈ ಮಧ್ಯಮ ವೇಗಿ ಸ್ಯಾಮ್ ಕರನ್ ದಾಳಿಗೆ ತತ್ತರಿಸಿದ ಅಫ್ಘಾನಿಸ್ಥಾನ 19.4 ಓವರ್ಗಳಲ್ಲಿ 112ಕ್ಕೆ ಕುಸಿಯಿತು. ಕರನ್ 3.4 ಓವರ್ಗಳಲ್ಲಿ ಕೇವಲ 10 ರನ್ನಿತ್ತು 5 ವಿಕೆಟ್ ಕೆಡವಿದರು. ಈ ಸಣ್ಣ ಮೊತ್ತವನ್ನು ಇಂಗ್ಲೆಂಡ್ ಸುಲಭದಲ್ಲಿ ಬೆನ್ನಟ್ಟಬಹುದೆಂಬ ನಿರೀಕ್ಷೆ ಇತ್ತು. ಆದರೆ ಅಫ್ಘಾನ್ ಬೌಲರ್ ಅಷ್ಟು ಸುಲಭದಲ್ಲಿ ಪಟ್ಟು ಸಡಿಲಿಸಲಿಲ್ಲ. ಗೆಲುವಿಗಾಗಿ ಬಟ್ಲರ್ ಬಳಗ 18.1 ಓವರ್ ತನಕ ಕಾಯಬೇಕಾಯಿತು. 113 ರನ್ ಮಾಡಲು 5 ವಿಕೆಟ್ಗಳನ್ನೂ ಕಳೆದುಕೊಂಡಿತು.
ಚೇಸಿಂಗ್ ವೇಳೆ ಜಾಸ್ ಬಟ್ಲರ್ (18), ಅಲೆಕ್ಸ್ ಹೇಲ್ಸ್ (19), ಡೇವಿಡ್ ಮಲಾನ್ (18), ಬೆನ್ ಸ್ಟೋಕ್ಸ್ (2) ಮತ್ತು ಹ್ಯಾರಿ ಬ್ರೂಕ್ (7) ವಿಕೆಟ್ಗಳನ್ನು ಇಂಗ್ಲೆಂಡ್ ಕಳೆದುಕೊಂಡಿತು. ಲಿಯಮ್ ಲಿವಿಂಗ್ಸ್ಟೋನ್ ಅಜೇಯ 29 ರನ್ ಹೊಡೆದರು. ಅಫ್ಘಾನ್ನ 5 ಬೌಲರ್ ಒಂದೊಂದು ವಿಕೆಟ್ ಹಂಚಿಕೊಂಡರು.
ಅಫ್ಘಾನಿಸ್ಥಾನ ಬ್ಯಾಟಿಂಗ್ ಸರದಿಯಲ್ಲಿ ಇಬ್ರಾಹಿಂ ಜದ್ರಾನ್ ಸರ್ವಾಧಿಕ 32, ಉಸ್ಮಾನ್ ಘನಿ 30 ರನ್ ಮಾಡಿದರು. ಸ್ಯಾಮ್ ಕರನ್ ಹೊರತುಪಡಿಸಿದರೆ ಮಿಂಚಿದ ಇಂಗ್ಲೆಂಡ್ ಸರದಿಯ ಬೌಲರ್ಗಳೆಂದರೆ ಬೆನ್ ಸ್ಟೋಕ್ಸ್ ಮತ್ತು ಮಾರ್ಕ್ ವುಡ್. ಇಬ್ಬರೂ ತಲಾ 2 ವಿಕೆಟ್ ಕೆಡವಿದರು. ಉಳಿದೊಂದು ವಿಕೆಟ್ ಕ್ರಿಸ್ ವೋಕ್ಸ್ ಪಾಲಾಯಿತು.
ಸಂಕ್ಷಿಪ್ತ ಸ್ಕೋರ್: ಅಫ್ಘಾನಿಸ್ಥಾನ-19.4 ಓವರ್ಗಳಲ್ಲಿ 112 (ಇಬ್ರಾಹಿಂ ಜದ್ರಾನ್ 32, ಉಸ್ಮಾನ್ ಘನಿ 30, ನಜೀಬುಲ್ಲ 13, ಸ್ಯಾಮ್ ಕರನ್ 10ಕ್ಕೆ 5, ಬೆನ್ ಸ್ಟೋಕ್ಸ್ 19ಕ್ಕೆ 2, ಮಾರ್ಕ್ ವುಡ್ 23ಕ್ಕೆ 2). ಇಂಗ್ಲೆಂಡ್-18.1 ಓವರ್ಗಳಲ್ಲಿ 5 ವಿಕೆಟಿಗೆ 119 (ಲಿವಿಂಗ್ಸ್ಟೋನ್ ಔಟಾಗದೆ 29, ಅಲೆಕ್ಸ್ ಹೇಲ್ಸ್ 19, ಜಾಸ್ ಬಟ್ಲರ್ 18, ಡೇವಿಡ್ ಮಲಾನ್ 18, ನಬಿ 16ಕ್ಕೆ 1, ರಶೀದ್ ಖಾನ್ 17ಕ್ಕೆ 1, ಮುಜೀಬ್ 22ಕ್ಕೆ 1, ಫರೀದ್ ಮಲಿಕ್ 23ಕ್ಕೆ 1, ಫಾರೂಖಿ 24ಕ್ಕೆ 1).
ಪಂದ್ಯಶ್ರೇಷ್ಠ: ಸ್ಯಾಮ್ ಕರನ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
BGT 2024: ಟೀಂ ಇಂಡಿಯಾಗೆ ಶುಭ ಸುದ್ದಿ; ತಂಡಕ್ಕೆ ಮರಳಿದ ಪ್ರಮುಖ ಆಟಗಾರ
Pune: ಮೈದಾನದಲ್ಲೇ ಕುಸಿದು ಬಿದ್ದು ಸಾವನ್ನಪ್ಪಿದ ಬ್ಯಾಟರ್!; ವಿಡಿಯೋ ವೈರಲ್
Team India: ವೇಗಿ ಮೊಹಮ್ಮದ್ ಶಮಿಗೆ ಕಟ್ಟುನಿಟ್ಟಿನ ಗಡುವು ನೀಡಿದ ಬಿಸಿಸಿಐ!
Team Indiaಕ್ಕೆ ಆಸೀಸ್ ಪ್ರಧಾನಿ ಔತಣ: ಆಟದಲ್ಲಿ ಸ್ವಲ್ಪ ಮಸಾಲೆ ಬೇಕು
ICC ಇಂದು ಸಭೆ: ಚಾಂಪಿಯನ್ಸ್ ಟ್ರೋಫಿ; ಹೈಬ್ರಿಡ್ ಮಾದರಿಗೆ ಮತದಾನ?
MUST WATCH
ಬಳಂಜದ ಪುಟ್ಟ ಪೋರನ ಕೃಷಿ ಪ್ರೇಮ | ಕಸಿ ಕಟ್ಟುವಿಕೆಯಲ್ಲಿ ಬಲು ಪರಿಣಿತ ಈ 6 ನೇ ತರಗತಿ ಬಾಲಕ
ಎದೆ ನೋವು, ಮಧುಮೇಹ, ಥೈರಾಯ್ಡ್ ,ಸಮಸ್ಯೆಗಳಿಗೆ ಪರಿಹಾರ ತೆಂಗಿನಕಾಯಿ ಹೂವು
ಕನ್ನಡಿಗರಿಗೆ ಬೇರೆ ಭಾಷೆ ಸಿನಿಮಾ ನೋಡೋ ಹಾಗೆ ಮಾಡಿದ್ದೆ ನಾವುಗಳು
ವಿಕ್ರಂ ಗೌಡ ಎನ್ಕೌಂಟರ್ ಪ್ರಕರಣ: ಮನೆ ಯಜಮಾನ ಜಯಂತ್ ಗೌಡ ಹೇಳಿದ್ದೇನು?
ಮಣಿಪಾಲ | ವಾಗ್ಶಾದಲ್ಲಿ ಗಮನ ಸೆಳೆದ ವಾರ್ಷಿಕ ಫ್ರೂಟ್ಸ್ ಮಿಕ್ಸಿಂಗ್ |
ಹೊಸ ಸೇರ್ಪಡೆ
Thanks for visiting Udayavani
You seem to have an Ad Blocker on.
To continue reading, please turn it off or whitelist Udayavani.