ಹರ್ಯಾಣ ಸ್ಟೀಲರ್-ಪುನೇರಿ ಪಲ್ಟಾನ್‌ ಟೈ ; ಜೈಪುರ ವಿರುದ್ಧ ತಲೈವಾಸ್‌ ವಿಜಯ

Team Udayavani, Oct 28, 2022, 11:01 PM IST

ಪುಣೆ: ಪುಣೆ ಆವೃತ್ತಿಯ ಪ್ರೊ ಕಬಡ್ಡಿ ಹಣಾಹಣಿಯಲ್ಲಿ ತಮಿಳ್‌ ತಲೈವಾಸ್‌ ದ್ವಿತೀಯ ಸ್ಥಾನಿ ಜೈಪುರ್‌ ಪಿಂಕ್‌ ಪ್ಯಾಂಥರ್ ವಿರುದ್ಧ ಅಮೋಘ ಗೆಲುವು ಸಾಧಿಸಿದೆ. ಶುಕ್ರವಾರದ ಮುಖಾಮುಖಿಯಲ್ಲಿ ಅದು 38-27 ಅಂತರದ ಮೇಲುಗೈ ಸಾಧಿಸಿತು.

ತಮಿಳ್‌ ತಲೈವಾಸ್‌ಗೆ 7 ಪಂದ್ಯಗಳಲ್ಲಿ ಒಲಿದ ಕೇವಲ 2ನೇ ಜಯ ಇದಾಗಿದೆ. ಇನ್ನೊಂದೆಡೆ ಜೈಪುರ್‌ 8ನೇ ಮುಖಾಮುಖಿಯಲ್ಲಿ 3ನೇ ಸೋಲುಂಡಿತು.

ತಮಿಳ್‌ ತಲೈವಾಸ್‌ ಗೆಲುವಿ ನಲ್ಲಿ ರೈಡರ್‌ಗಳಾದ ನರೇಂದರ್‌ ಮತ್ತು ಅಜಿಂಕ್ಯ ಪವಾರ್‌ ಪಾತ್ರ ಮಹತ್ವದ್ದಾಗಿತ್ತು. ನರೇಂದರ್‌ 13 ಅಂಕ ಗಳಿಸಿ ಕೊಟ್ಟರು. ಅಜಿಂಕ್ಯ 6 ಅಂಕ, ಲೆಫ್ಟ್ ಕಾರ್ನರ್‌ ಡಿಫೆಂಡರ್‌ ಹಿಮಾಂಶು 4 ಅಂಕ ತಂದಿತ್ತರು.

ಜೈಪುರ್‌ ಎಂದಿನ ಜೋಶ್‌ ಪ್ರದರ್ಶಿಸಲು ವಿಫ‌ಲವಾಯಿತು. ರೈಡರ್‌ ಭವಾನಿ ರಜಪೂತ್‌ (4), ಡಿಫೆಂಡರ್‌ ಅಂಕುಶ್‌ (4) ಹೊರತುಪ ಡಿಸಿ ಉಳಿದವರು ನಿರೀಕ್ಷಿತ ಯಶಸ್ಸು ಕಾಣಲಿಲ್ಲ.

ಹರ್ಯಾಣ-ಪುನೇರಿ ಟೈ
ಅತ್ಯಂತ ರೋಚಕವಾಗಿ ಸಾಗಿದ ಹರ್ಯಾಣ ಸ್ಟೀಲರ್-ಪುನೇರಿ ಪಲ್ಟಾನ್‌ ನಡುವಿನ ಮತ್ತೂಂದು ಪಂದ್ಯ 27-27 ಅಂತರದಿಂದ ಟೈ ಆಯಿತು.