‘ಬ್ರಹ್ಮಾಸ್ತ್ರ”ದಲ್ಲಿ ರಣ್ಬೀರ್‌ ತಾಯಿಯಾಗಿ ಕಾಣಿಸಿಕೊಂಡಿದ್ರು ದೀಪಿಕಾ!: ವಿಡಿಯೋ ನೋಡಿ

Team Udayavani, Nov 9, 2022, 5:47 PM IST

ಮುಂಬಯಿ: ಅಯನ್‌ ಮುಖರ್ಜಿ ಅವರ “ಬ್ರಹ್ಮಾಸ್ತ್ರ” ದೊಡ್ಡ ಹಿಟ್‌ ಆದದ್ದು ಗೊತ್ತೇ ಇದೆ. ಮುಂದಿನ ಭಾಗದಲ್ಲಿ ಯಾರು ನಟಿಸಲಿದ್ದಾರೆ ಎನ್ನುವುದು ಬಿಟೌನ್‌ ನಲ್ಲಿ ಗಾಸಿಪ್‌ ಆಗಿ ನಾನಾ ಹೆಸರುಗಳು ಟ್ರೆಂಡಿಂಗ್‌ ನಲ್ಲಿವೆ.

ರಣ್ಬೀರ್‌ ಕಪೂರ್‌ – ಆಲಿಯಾ ಭಟ್‌ ಮುಖ್ಯಭೂಮಿಕೆಯಲ್ಲಿ ತೆರೆಗೆ ಬಂದಿದ್ದ”ಬ್ರಹ್ಮಾಸ್ತ್ರ” ವರ್ಲ್ಡ್‌ ವೈಡ್‌ 425 ಕೋಟಿ ರೂ.ವನ್ನು ಗಳಿಸಿತ್ತು. ಬಹು ತಾರಾಂಗಣವುಳ್ಳ ಚಿತ್ರದಲ್ಲಿ ಅಮಿತಾಭ್‌, ನಾಗಾರ್ಜುನ, ಶಾರುಖ್‌  ಖಾನ್‌ ನಟಿಸಿದ್ದರು. ಆದರೆ ಇವೆಲ್ಲಾ ಪಾತ್ರ ಬಿಟ್ಟು ಮತ್ತೊಂದು ಪ್ರಧಾನ ಪಾತ್ರವೂ ಚಿತ್ರದಲ್ಲಿತ್ತು. ಬಹುಶಃ ಸಿನಿಮಾ ನೋಡುವಾಗ ಅದನ್ನು ನಾವು ಅಷ್ಟಾಗಿ ಗಮನಿಸಿಲ್ಲವೇನೋ ಆದರೆ ಈಗ ನಮಗೆ ಸರಿಯಾಗಿ ಕಾಣದ ಆ ಪಾತ್ರ ಯಾವುದೆನ್ನುವುದು ರಿವೀಲ್‌ ಆಗಿದೆ.

ನೀವು ಸಿನಿಮಾವನ್ನು ನೋಡಿದ್ದರೆ, ಅದರಲ್ಲಿ ಅಮೃತಾ ಎನ್ನುವ ಪಾತ್ರವನ್ನುವೊಂದು ಬರುತ್ತದೆ. ಇಂಟರ್‌ವಲ್‌ ಆದ ಬಳಿಕ ಬರುವ ಈ ದೃಶ್ಯದಲ್ಲಿ ಶಿವ (ಮಗು) ನನ್ನು ಕೈಯಲ್ಲಿ ಹಿಡಿದುಕೊಂಡಿರುವ ದೃಶ್ಯ ಹಾಗೆ ಬಂದು ಹೀಗೆ ಹೋಗುತ್ತದೆ. ದೃಶ್ಯದಲ್ಲಿ ಕಾಣಿಸಿಕೊಂಡದ್ದು ಯಾರು ಗೊತ್ತಾ?  ಅವರು ಬೇರೆ ಯಾರೂ ಅಲ್ಲ ಬಾಲಿವುಡ್‌ ಬೆಡಗಿ ದೀಪಿಕಾ ಪಡುಕೋಣೆ.

ಈ ಹಿಂದೆ ಥಿಯೇಟರ್‌ ನಲ್ಲೇ ಕೆಲವರು ಇದನ್ನು ನೋಡಿ ಹೇಳಿದ್ದರು. ಆದರೆ 2ಡಿಯಲ್ಲಿ ಸಿನಿಮಾ ನೋಡಿದವರು ಎಲ್ಲೂ ಕೂಡ ದೀಪಿಕಾ ಸ್ಪಷ್ಟವಾಗಿ ಕಾಣಲಿಲ್ಲ ಎಂದು ಹೇಳಿದ್ದರು. ಆದರೆ ಇದೇ ನ.4 ರಂದು ಓಟಿಟಿಯಲ್ಲಿ ರಿಲೀಸ್‌ ಆಗಿರುವ ʼಬ್ರಹ್ಮಾಸ್ತ್ರ”ದಲ್ಲಿ ದೀಪಿಕಾ ಅವರ ದೃಶ್ಯದಲ್ಲಿ ದೀಪಿಕಾ ಅವರು ಸ್ಪಷ್ಟವಾಗಿ ಕಾಣುತ್ತಾರೆ.

ಅವರ ಪಾತ್ರದ ದೃಶ್ಯವನ್ನು ಓಟಿಟಿಯಲ್ಲಿ ನೋಡಿ ಅದನ್ನು ಸ್ಲೋ ಮೋಷನ್‌ ನಲ್ಲಿ ಮಾಡಿ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಅಭಿಮಾನಿಗಳು ನಾನಾ ಕಮೆಂಟ್‌ ಮಾಡಿ ವಿಡಿಯೋ ವೈರಲ್ ಮಾಡಿದ್ದಾರೆ.

ಈ ದೃಶ್ಯವನ್ನು ಸೋಶಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡು ಅಭಿಮಾನಿಗಳು ವೈರಲ್‌ ಮಾಡಿ, ʼಬ್ರಹ್ಮಾಸ್ತ್ರ-2” ನಲ್ಲಿ ದೀಪಿಕಾ ಅವರು ಇರಲಿದ್ದಾರೆ ಎಂದು ಹೇಳುತ್ತಿದ್ದಾರೆ. ಈ ಬಗ್ಗೆ ಚಿತ್ರ ತಂಡ ಇದುವರೆಗೆ ಯಾವ ಮಾಹಿತಿಯನ್ನೂ ಬಿಟ್ಟು ಕೊಟ್ಟಿಲ್ಲ.

Here is Deepika Padukone’s glimps from bhramastra part one – shiva ❤️ pic.twitter.com/0PWHvSznhp

— horny sanera (@FilesDeepika) November 3, 2022