ಸಿಡ್ನಿ: ಲಂಕಾ ಕ್ರಿಕೆಟಿಗ ದನುಷ್ಕಾ ಗುಣತಿಲಕಗೆ ಜಾಮೀನು ಮಂಜೂರು

Team Udayavani, Nov 17, 2022, 5:49 PM IST

ಸಿಡ್ನಿ: ಅತ್ಯಾಚಾರ ಆರೋಪದಡಿ ಆಸ್ಟ್ರೇಲಿಯಾದಲ್ಲಿ ಪೊಲೀಸರ ಅತಿಥಿಯಾಗಿರುವ ಶ್ರೀಲಂಕಾದ ಕ್ರಿಕೆಟಿಗ ದನುಷ್ಕಾ ಗುಣತಿಲಕ ಅವರಿಗೆ ಸಿಡ್ನಿಯ ಡೌನಿಂಗ್ ಸೆಂಟರ್ ಸ್ಥಳೀಯ ನ್ಯಾಯಾಲಯವು ಗುರುವಾರ ಜಾಮೀನು ಮಂಜೂರು ಮಾಡಿದೆ.

31 ವರ್ಷದ ಬ್ಯಾಟರ್ ಗುಣತಿಲಕ ಅವರು ಟಿ20 ವಿಶ್ವಕಪ್ ಗೆಂದು ಆಸ್ಟ್ರೇಲಿಯಾಗೆ ತೆರಳಿದ್ದರು. ಆದರೆ, ಡೇಟಿಂಗ್ ಅಪ್ಲಿಕೇಶನ್‌ ನಲ್ಲಿ ಪರಿಚಯವಾದ ಆಸ್ಟ್ರೇಲಿಯಾದ ಮಹಿಳೆಯೊಬ್ಬರಿಗೆ ಲೈಂಗಿಕ ದೌರ್ಜನ್ಯದ ಆರೋಪದಡಿಯಲ್ಲಿ ಸಿಡ್ನಿ ಪೊಲೀಸರು ಅ.6ರಂದು ಬಂಧಿಸಿದ್ದರು.

ಇದಾದ ಬಳಿಕ ಟಿಂಡರ್ ಮತ್ತು ಅವರ ಸಾಮಾಜಿಕ ಮಾಧ್ಯಮ ಖಾತೆಗಳನ್ನು ಬಳಸುವುದನ್ನು ನಿಷೇಧಿಸಲಾಗಿದೆ.

ಇದನ್ನೂ ಓದಿ:ಪುಷ್ಪ-2 ಚಿತ್ರದ ಅಪ್ಡೇಟ್‌ ಕೊಡಿ..ಬ್ಯಾನರ್‌ ಹಿಡಿದು ಬೀದಿಗಿಳಿದ ಅಲ್ಲು ಅರ್ಜುನ್‌ ಫ್ಯಾನ್ಸ್

ಗುಣತಿಲಕ ಅವರು ಸಿಡ್ನಿಯಲ್ಲಿ 11 ದಿನಗಳ ಕಾಲ ಸೆರೆವಾಸ ಅನುಭವಿಸಿದ್ದಾರೆ. ಮ್ಯಾಜಿಸ್ಟ್ರೇಟ್ ಜಾನೆಟ್ ವಾಲ್ಕ್ವಿಸ್ಟ್ ಗುರುವಾರ ಸಿಡ್ನಿಯ ಡೌನಿಂಗ್ ಸೆಂಟರ್ ಸ್ಥಳೀಯ ನ್ಯಾಯಾಲಯದಲ್ಲಿ ಶ್ರೀಲಂಕಾದ ಕ್ರಿಕೆಟಿಗನಿಗೆ ಜಾಮೀನು ಮಂಜೂರು ಮಾಡಿದರು. ಅವರು ಪಾರ್ಕಿಲಿಯಾ ಜೈಲಿನಿಂದ ವಿಡಿಯೋ ಮೂಲಕ ಕಾಣಿಸಿಕೊಂಡರು.