ಅಶ್ನೀರ್ ಗ್ರೋವರ್, ಕುಟುಂಬದ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ಹೂಡಿದ ಭಾರತ್‌ಪೇ

Team Udayavani, Dec 8, 2022, 5:10 PM IST

ನವದೆಹಲಿ: ಫಿನ್ ಟೆಕ್ ಯುನಿಕಾರ್ನ್ ಭಾರತ್ ಪೇ ತನ್ನ ಮಾಜಿ ಎಂಡಿ ಮತ್ತು ಸಹ-ಸಂಸ್ಥಾಪಕ ಅಶ್ನೀರ್ ಗ್ರೋವರ್ ಮತ್ತು ಅವರ ಕುಟುಂಬದ ವಿರುದ್ಧ 88.67 ಕೋಟಿ ರೂ. ವಂಚನೆ ಮತ್ತು ನಿಧಿಯನ್ನು ದುರುಪಯೋಗಪಡಿಸಿಕೊಂಡ ಆರೋಪದ ಮೇಲೆ ಕ್ರಿಮಿನಲ್ ಮೊಕದ್ದಮೆಯನ್ನು ಹೂಡಿದೆ.

2,800 ಪುಟಗಳಲ್ಲಿರುವ ಮೊಕದ್ದಮೆಯು ಗ್ರೋವರ್, ಅವರ ಪತ್ನಿ ಮಾಧುರಿ ಜೈನ್ ಮತ್ತು ಇತರ ಕುಟುಂಬ ಸದಸ್ಯರು ನಕಲಿ ಬಿಲ್‌ಗಳನ್ನು ಸೃಷ್ಟಿಸಿದ್ದಾರೆ, ಕಂಪನಿಗೆ ಸೇವೆಗಳನ್ನು ಒದಗಿಸಲು ಕಾಲ್ಪನಿಕ ಮಾರಾಟಗಾರರನ್ನು ಸೇರಿಸಿಕೊಂಡಿದ್ದಾರೆ ಮತ್ತು ನೇಮಕಾತಿಗಾಗಿ ಕಂಪನಿಗೆ ಹೆಚ್ಚಿನ ಶುಲ್ಕ ವಿಧಿಸಿದ್ದಾರೆ ಎಂದು ಆರೋಪಿಸಿದ್ದಾರೆ.

ಸಿವಿಲ್ ಮೊಕದ್ದಮೆ ಮತ್ತು ಕ್ರಿಮಿನಲ್ ದೂರು ದೆಹಲಿ ಹೈಕೋರ್ಟ್‌ಗೆ ಬಂದಿದ್ದು, ಅದು ಗ್ರೋವರ್ ಕುಟುಂಬಕ್ಕೆ ನೋಟಿಸ್ ಜಾರಿಗೊಳಿಸಿ ಎರಡು ವಾರಗಳಲ್ಲಿ ಪ್ರತಿಕ್ರಿಯಿಸುವಂತೆ ಕೇಳಿದೆ. ಮುಂದಿನ ವಿಚಾರಣೆಯನ್ನು ಜನವರಿ 9ಕ್ಕೆ ನಿಗದಿಪಡಿಸಲಾಗಿದೆ. ಗ್ರೋವರ್‌ನ ಸೋದರ ಮಾವ, ಅವರ ತಂದೆ ಮತ್ತು  ಸಹೋದರ ಸೇರಿದಂತೆ ಇತರ ಆರೋಪಿಗಳಿಗೆ ಸಮನ್ಸ್‌ಗಳನ್ನು ನೀಡಿದೆ.

ತಪ್ಪಿತಸ್ಥರೆಂದು ಸಾಬೀತಾದರೆ, ಅವರು 10 ವರ್ಷಗಳವರೆಗೆ ಜೈಲು ಶಿಕ್ಷೆಯನ್ನು ಎದುರಿಸಬೇಕಾಗುತ್ತದೆ.