ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡ ಆರ್‌ಆರ್‌ಆರ್

Team Udayavani, Dec 12, 2022, 8:38 PM IST

ಹೊಸದಿಲ್ಲಿ: ಎಸ್‌. ಎಸ್. ರಾಜಮೌಳಿ ಅವರ ನಿರ್ದೇಶನದ ಆಕ್ಷನ್ ಚಿತ್ರ “ಆರ್‌ಆರ್‌ಆರ್” ಇಂಗ್ಲಿಷ್ ಹೊರತಾದ ಭಾಷಾ ವಿಭಾಗದಲ್ಲಿ ಅತ್ಯುತ್ತಮ ಚಿತ್ರ ಗೋಲ್ಡನ್ ಗ್ಲೋಬ್ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದೆ.

ಹಾಲಿವುಡ್ ಫಾರಿನ್ ಪ್ರೆಸ್ ಅಸೋಸಿಯೇಷನ್ ​​(HFPA) ಸೋಮವಾರ ಸಂಜೆ ಗೋಲ್ಡನ್ ಗ್ಲೋಬ್ ಅವಾರ್ಡ್ಸ್‌ನ ಅಧಿಕೃತ ಟ್ವಿಟರ್ ಪುಟದಲ್ಲಿ ಪ್ರಕಟಣೆಯನ್ನು ಹಂಚಿಕೊಂಡಿದೆ.

ಪ್ಯಾನ್-ಇಂಡಿಯಾ ಬ್ಲಾಕ್ ಬಸ್ಟರ್ “RRR”,  , ಕೊರಿಯನ್ ರೊಮ್ಯಾಂಟಿಕ್ ಮಿಸ್ಟರಿ ಚಲನಚಿತ್ರ “ಡಿಸಿಷನ್ ಟು ಲೀವ್”, ಜರ್ಮನ್ ಯುದ್ಧ-ವಿರೋಧಿ ಚಿತ್ರ “ಆಲ್ ಕ್ವೈಟ್ ಆನ್ ದಿ ವೆಸ್ಟರ್ನ್ ಫ್ರಂಟ್”, ಅರ್ಜೆಂಟೀನಾದ ಐತಿಹಾಸಿಕ “ಅರ್ಜೆಂಟೀನಾ 1985″ ಮತ್ತು ಫ್ರೆಂಚ್- ಡಚ್ ” ಕ್ಲೋಸ್ ” ನಾಮನಿರ್ದೇಶನಗೊಂಡಿವೆ.

ತೆಲುಗು ಮೂಲ ಭಾಷೆಯ ಚಲನಚಿತ್ರವನ್ನು ರಾಜಮೌಳಿ ನಿರ್ದೇಶಿಸಿದ್ದು, ವಿ. ವಿಜಯೇಂದ್ರ ಪ್ರಸಾದ್ ಅವರೊಂದಿಗೆ ಸಹ-ಕಥೆಗಾರ ರಾಗಿ ಕೆಲಸ ಮಾಡಿದ್ದಾರೆ. ಇದನ್ನು ಡಿವಿವಿ ಎಂಟರ್‌ಟೈನ್‌ಮೆಂಟ್‌ನ ಡಿವಿವಿ ದಾನಯ್ಯ ನಿರ್ಮಿಸಿದ್ದಾರೆ. ಚಿತ್ರದಲ್ಲಿ ಜೂನಿಯರ್ ಎನ್ ಟಿಆರ್ , ರಾಮ್ ಚರಣ್, ಅಜಯ್ ದೇವಗನ್, ಆಲಿಯಾ ಭಟ್, ಶ್ರಿಯಾ ಸರನ್, ಅಲಿಸನ್ ಡೂಡಿ ಮತ್ತು ಒಲಿವಿಯಾ ಮೋರಿಸ್ ಮೊದಲಾದ ಖ್ಯಾತ ನಟರು ನಟಿಸಿದ್ದಾರೆ.

Congratulations to the nominees for Best Picture – Non-English Language

✨ All Quiet on the Western Front
✨ Argentina, 1985
✨ Close
✨ Decision to Leave
✨ RRR#GoldenGlobes pic.twitter.com/DfNs0VQbIs

— Golden Globe Awards (@goldenglobes) December 12, 2022