ಎಂಬಪ್ಪೆ ಜರ್ಸಿ ತೊಟ್ಟ ವಧು, ಮೆಸ್ಸಿ ಜರ್ಸಿ ತೊಟ್ಟ ವರ: ಕೇರಳದಲ್ಲೊಂದು ಫುಟ್ಬಾಲ್ ಅಭಿಮಾನಿಗಳ ಮದುವೆ

Team Udayavani, Dec 20, 2022, 5:12 PM IST

ಕೇರಳ: ಜಗತ್ತಿನಲ್ಲಿ ನಾನಾ ತರದ ಸುದ್ದಿಗಳು ಸಾಮಾಜಿಕ ಜಾಲತಾಣದಲ್ಲಿ ಕಾಣಸಿಗುತ್ತದೆ ಅದಕ್ಕೆ ಪುಷ್ಟಿ ನೀಡುವಂತೆ ಕೇರಳದ ಜೋಡಿಯೊಂದು ತಮ್ಮ ಮದುವೆ ದಿನ ಫುಟ್ಬಾಲ್ ಆಟಗಾರರ ಜರ್ಸಿ ತೊಟ್ಟು ಸಪ್ತಪದಿ ತುಳಿದಿದ್ದಾರೆ.

ಹೌದು ಕೇರಳದ ಸಚಿನ್ ಆರ್ ಮತ್ತು ಆರ್ ಅಥಿರಾ ಅವರ ಮದುವೆ ದಿನದಂದು ಫುಟ್ಬಾಲ್ ಫೈನಲ್ ಪಂದ್ಯವಾಗಿತ್ತು, ಅದಕ್ಕೆ ಈ ಜೋಡಿಗಳು ಮದುವೆ ಮಂಟಪದಲ್ಲಿ ಫ್ರಾನ್ಸ್ ಹಾಗೂ ಆರ್ಜೆಂಟೀನಾದ ನೆಚ್ಚಿನ ಆಟಗಾರರ ಜೆರ್ಸಿ ಧರಿಸಿ ಸಪ್ತಪದಿ ತುಳಿದಿದ್ದಾರೆ.

ಸಚಿನ್ ಅರ್ಜೆಂಟೀನಾ ಸ್ಟಾರ್ ಲಿಯೋನೆಲ್ ಮೆಸ್ಸಿ ಅವರ ನಿಜವಾದ ಅಭಿಮಾನಿಯಾಗಿದ್ದರೆ, ಅಥಿರಾ ಎಂಬಪ್ಪೆ ಒಳಗೊಂಡ ಫ್ರಾನ್ಸ್ ಫುಟ್ಬಾಲ್ ತಂಡದ ಬೆಂಬಲಿಗರಾಗಿದ್ದಾರೆ. ಆದರೆ ಇವರ ಮದುವೆ ದಿನವೇ ಫುಟ್ಬಾಲ್ ಫೈನಲ್ ಪಂದ್ಯಾಟವಿದ್ದ ಕಾರಣ ಫುಟ್ಬಾಲ್ ನ ಕಟ್ಟಾ ಅಭಿಮಾನಿಗಳಾದ ಜೋಡಿಗಳು ತಮ್ಮ ಅಭಿಮಾನವನ್ನು ಆಟಗಾರರ ಜೆರ್ಸಿ ಧರಿಸುವ ಮೂಲಕ ತೋರಿಸಿಕೊಟ್ಟಿದ್ದಾರೆ.

ಸದ್ಯ ಜೋಡಿಗಳು ಜರ್ಸಿ ತೊಟ್ಟ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. ಅಲ್ಲದೆ ಇವರ ಅಭಿಮಾನಕ್ಕೆ ನೆಟ್ಟಿಗರಿಂದ ಪ್ರಶಂಸೆಯ ಮಹಾಪೂರವೇ ಹರಿದು ಬಂದಿದೆ.

A match made in heaven! A ⚽-loving couple from #Kerala got married in #Messi & #Mbappe jerseys last evening! Even though they supported rivals in the #WorldCupFinal, this shows that there is always space for unity amid diversity in a country like India 🙏🏾 truly amazing. pic.twitter.com/d22le6qGHs

— Amitabh Kant (@amitabhk87) December 19, 2022