ಕೆಲಸವನ್ನು ತೆಗೆದುಕೊಳ್ಳುವ ಮೂರ್ಖ ಸಿಕ್ಕಿದ ತತ್ ಕ್ಷಣ ರಾಜೀನಾಮೆ : ಎಲಾನ್ ಮಸ್ಕ್

Team Udayavani, Dec 21, 2022, 8:29 PM IST

ನ್ಯೂಯಾರ್ಕ್: ಯಾರಾದರೂ ನನ್ನ ಕೆಲಸವನ್ನು ತೆಗೆದುಕೊಳ್ಳುವಷ್ಟು ಮೂರ್ಖರನ್ನು ಕಂಡುಕೊಂಡ ತತ್ ಕ್ಷಣ ಸಿಇಒ ಸ್ಥಾನಕ್ಕೆ ರಾಜೀನಾಮೆ ನೀಡುವುದಾಗಿ ಟ್ವಿಟರ್‌ನ ಹೊಸ ಮುಖ್ಯಸ್ಥ ಎಲಾನ್ ಮಸ್ಕ್ ಹೇಳಿದ್ದಾರೆ.

ಮಸ್ಕ್ ಅವರು ಸಾಮಾಜಿಕ ಮಾಧ್ಯಮ ದೈತ್ಯ ಮುಖ್ಯಸ್ಥ ಸ್ಥಾನವನ್ನು ತೊರೆಯುವಂತೆ ಟ್ವಿಟರ್ ಬಳಕೆದಾರರು ಮತ ಹಾಕಿದ್ದರು. ಫಲಿತಾಂಶಗಳಿಗೆ ತಾನು ಬದ್ಧನಾಗಿರುವುದಾಗಿ ಭರವಸೆ ನೀಡಿದ್ದರು.

“ಯಾರಾದರೂ ಕೆಲಸವನ್ನು ತೆಗೆದುಕೊಳ್ಳುವಷ್ಟು ಮೂರ್ಖತನ ತೋರಿದ ತಕ್ಷಣ ಸಿಇಒ ಹುದ್ದೆಗೆ ರಾಜೀನಾಮೆ ನೀಡುತ್ತೇನೆ. ಅದರ ನಂತರ, ನಾನು ಸಾಫ್ಟ್‌ವೇರ್ ಮತ್ತು ಸರ್ವರ್ ತಂಡಗಳನ್ನು ನಡೆಸುತ್ತೇನೆ ಎಂದು ಮಸ್ಕ್ ಟ್ವೀಟ್ ಮಾಡಿದ್ದಾರೆ.

51 ವರ್ಷ ವಯಸ್ಸಿನ ಬಿಲಿಯನೇರ್ ತನ್ನ 122 ಮಿಲಿಯನ್ ಅನುಯಾಯಿಗಳಲ್ಲಿ ನಾನು ಹುದ್ದೆಯಿಂದ ಕೆಳಗಿಳಿಯಬೇಕೇ ಎಂದು ಪ್ರಶ್ನಿಸಿದ ನಂತರ ಒಟ್ಟು 57.5 ಪ್ರತಿಶತದಷ್ಟು ಜನರು “ಹೌದು” ಎಂದು ಟ್ವೀಟ್ ಮೂಲಕ ಮತ ಹಾಕಿದ್ದರು. ಮತದಾನದಲ್ಲಿ 17 ಮಿಲಿಯನ್ ಮತಗಳು ಚಲಾವಣೆಯಾಗಿದ್ದವು ಹೆಚ್ಚಿನ ಪ್ರತಿಸ್ಪಂದಕರು ಸಕಾರಾತ್ಮಕವಾಗಿ ಮತ ಚಲಾಯಿಸಿದ್ದರು.