ರಿಯಾದ್‌: ಮೆಕ್ಕಾದಲ್ಲಿ ಪ್ರವಾಹ; ಕೊಚ್ಚಿಹೋದ ವಾಹನಗಳು

Team Udayavani, Dec 24, 2022, 8:57 PM IST

ರಿಯಾದ್‌: ಮುಸ್ಲಿಮರ ಪವಿತ್ರ ಕ್ಷೇತ್ರವಾದ ಸೌದಿ ಅರೇಬಿಯಾದ ಮೆಕ್ಕಾ ನಗರದಲ್ಲಿ ಬೆಂಬಿಡದೆ ಸುರಿಯುತ್ತಿರುವ ಧಾರಾಕಾರ ಮಳೆಯಿಂದಾಗಿ ಪ್ರವಾಹ ಉಂಟಾಗಿದೆ.

ಪ್ರವಾಹದ ಹಿನ್ನೆಲೆಯಲ್ಲಿ ಆಸ್ತಿ-ಪಾಸ್ತಿಗಳಿಗೆ ಹಾನಿಯಾಗಿದ್ದು, ರಸ್ತೆಯಲ್ಲಿ ನಿಲ್ಲಿಸಿದ್ದ ಕಾರುಗಳು ಮತ್ತು ಇತರೆ ವಾಹನಗಳು ನೀರಿನಲ್ಲಿ ಕೊಚ್ಚಿಕೊಂಡು ಹೋಗಿವೆ.

ಧಾರಾಕಾರ ಮಳೆಯ ಹಿನ್ನೆಲೆಯಲ್ಲಿ ಪ್ರಯಾಣಕ್ಕೂ ಮುನ್ನ ವಸ್ತುಸ್ಥಿತಿ ಕುರಿತು ಮಾಹಿತಿ ಪಡೆಯುವಂತೆ ಪ್ರಯಾಣಿಕರಿಗೆ ಕಿಂಗ್‌ ಅಬ್ದುಲ್‌ ಅಜೀಜ್‌ ವಿಮಾನ ನಿಲ್ದಾಣವು ಸೂಚಿಸಿದೆ. ಮುಂದಿನ ವಾರದಲ್ಲಿ ಮೆಕ್ಕಾ, ಮದೀನಾ ಮತ್ತು ತಾಬೂಕ್‌ ಪ್ರದೇಶಗಳಲ್ಲಿ ಮಳೆ ಹೆಚ್ಚಾಗಲಿದೆ ಎಂದು ಸೌದಿ ಅರೇಬಿಯಾ ಹವಾಮಾನ ಇಲಾಖೆ ಎಚ್ಚರಿಸಿದೆ.

Flash flooding has struck Al-Otaibi neighbourhood in Mecca following torrential rains, sweeping away cars and bringing the neighbourhood to a standstill. pic.twitter.com/oIyIBfEz0i

— Middle East Eye (@MiddleEastEye) December 23, 2022

ಮಳೆ ಕಾರಣ ಅಲ್ಲಿನ ಶಾಲಾ-ಕಾಲೇಜುಗಳಿಗೆ ರಜೆ ಘೋಷಿಸಲಾಗಿದೆ. ವಿಶ್ವವಿದ್ಯಾಲಯಗಳ ಪರೀಕ್ಷೆಗಳನ್ನು ಮುಂದೂಡಲಾಗಿದೆ ಎಂದು ಮೂಲಗಳು ತಿಳಿಸಿವೆ.