1 ಕೋಟಿ ಮೌಲ್ಯದ ಚಿನ್ನದೊಂದಿಗೆ ಯುವತಿಯ ಬಂಧನ

Team Udayavani, Dec 26, 2022, 5:19 PM IST

ಕಾಸರಗೋಡು: ಕಲ್ಲಿಕೋಟೆ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಒಂದು ಕೋ.ರೂ. ಮೌಲ್ಯದ ಚಿನ್ನವನ್ನು ವಶಪಡಿಸಿಕೊಂಡ ಪೊಲೀಸರು, ಈ ಸಂಬಂಧ ಬದಿಯಡ್ಕ ನೆಕ್ರಾಜೆ ಉದ್ದಂ ಹೌಸ್‌ನ ಮರಿಯಾಂ ಶಹಲಾ ಶಹನಾಸ್‌(19)ಳನ್ನು ಬಂಧಿಸಿದ್ದಾರೆ.

ದುಬಾೖಯಿಂದ ಏರ್‌ ಇಂಡಿಯಾ ಎಕ್ಸ್‌ಪ್ರೆಸ್‌ನಲ್ಲಿ ಕಲ್ಲಿಕೋಟೆ ವಿಮಾನ ನಿಲ್ದಾಣದಲ್ಲಿ ಬಂದಿಳಿದಿದ್ದಳು. ಕಸ್ಟಂಸ್‌ ಪೊಲೀಸರ ತಪಾಸಣೆಯಲ್ಲಿ ಈಕೆ ಸಿಕ್ಕಿ ಬೀಳಿರಲಿಲ್ಲ. ಪೊಲೀಸರಿಗೆ ಈಕೆ ಚಿನ್ನ ಸಾಗಾಟ ನಡೆಸುವ ಕುರಿತಂತೆ ಮಾಹಿತಿ ಲಭಿಸಿದ್ದರಿಂದ ಟರ್ಮಿನಲ್‌ನ ಪಾರ್ಕಿಂಗ್‌ ಪ್ರದೇಶದಲ್ಲಿ ಕಾದು ನಿಂತು ಆಕೆಯನ್ನು ಪ್ರಶ್ನಿಸಿದರು.

ಆರಂಭದಲ್ಲಿ ಉತ್ತರಿಸಲು ನಿರಾಕರಿಸಿದ ಆಕೆ ಅನಂತರ ಪೊಲೀಸರು ಶೋಧ ನಡೆಸಿದಾಗ ಒಳಉಡುಪಿನಲ್ಲಿ ಚಿನ್ನ ಅಡಗಿಸಿಟ್ಟದ್ದು ಪತ್ತೆಯಾಗಿತ್ತು. 1.88 ಕೆ.ಜಿ. ಚಿನ್ನ ಪತ್ತೆಯಾಗಿದೆ. ಇದನ್ನು ಪೇಸ್ಟ್‌ ರೂಪದಲ್ಲಿ ಪ್ಯಾಕೆಟ್‌ನಲ್ಲಿ ಇರಿಸಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.