ಪಾಂಗಾಳ: ಸೇತುವೆ ಬಳಿ ಉರುಳಿ ಬಿದ್ದ ಲಾರಿ; ಚಾಲಕ ಪಾರು

Team Udayavani, Dec 28, 2022, 5:42 PM IST

ಕಾಪು : ಚಾಲಕನ ನಿಯಂತ್ರಣ ತಪ್ಪಿದ ಲಾರಿ ಸೇತುವೆ ಬಳಿಯ ಇಳಿ ಜಾರಿಗೆ ಉರುಳಿ ಬಿದ್ದ ಘಟನೆ ಮಂಗಳವಾರ ತಡ ರಾತ್ರಿ ಪಾಂಗಾಳದಲ್ಲಿ ನಡೆದಿದೆ.

ಉಡುಪಿಯಲ್ಲಿ ಸಿಮೆಂಟ್‌ ಅನ್‌ಲೋಡ್‌ ಮಾಡಿ ಮಂಗಳೂರಿಗೆ ತೆರಳುತ್ತಿದ್ದ ಲಾರಿ ಪಾಂಗಾಳ ಸೇತುವೆ ಬಳಿ ಚಾಲಕನ ನಿಯಂತ್ರಣ ತಪ್ಪಿ, ಸೇತುವೆಗಿಂತ ಸ್ವಲ್ಪ ದೂರದ ಇಳಿಜಾರಿಗೆ ಉರುಳಿ ಬಿದ್ದಿದೆ.

ಲಾರಿ ಸ್ವಲ್ಪ ಹಿಂದೆ ಬೀಳುತ್ತಿದ್ದರೆ ಪಾಂಗಾಳ ಹೊಳೆಗೆ ಬೀಳುವ ಅಥವಾ ಸ್ವಲ್ಪ ದೂರ ಬಿದ್ದಿದ್ದರೆ ಪಕ್ಕದ ಮನೆಯ ಮೇಲೆ ಉರುಳಿ ಬೀಳುವ ಸಾಧ್ಯತೆಗಳಿದ್ದವು.

ಅದೃಷ್ಠವಶಾತ್‌ ಲಾರಿ ಉರುಳಿ ಬಿದ್ದ ಪ್ರದೇಶದಲ್ಲಿ ಉಳಿದಿದ್ದರಿಂದ ಯಾವುದೇ ತೊಂದರೆಗಳಾಗಿಲ್ಲ.

ಲಾರಿ ಚಾಲಕ ಮತ್ತು ನಿರ್ವಾಹಕ ಯಾವುದೇ ಅಪಾಯವಿಲ್ಲದೇ ಪಾರಾಗಿದ್ದಾರೆ. ಕಾಪು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.