‘ಕ್ವೀನ್‌’ ಲುಕ್‌ನಲ್ಲಿ ಇತಿ ಆಚಾರ್ಯ

Team Udayavani, Jan 5, 2023, 4:03 PM IST

ಸ್ಯಾಂಡಲ್‌ವುಡ್‌ನ‌ ಗ್ಲಾಮರಸ್‌ ನಟಿ ಇತಿ ಆಚಾರ್ಯ ಈಗ ಕ್ವೀನ್‌ ಲುಕ್‌ನಲ್ಲಿ ತೆರೆಮೇಲೆ ಬರಲು ತಯಾರಾಗುತ್ತಿದ್ದಾರೆ. ಹೌದು, ಇತಿ ಆಚಾರ್ಯ ಸದ್ಯ “ಕಿಂಗ್‌ ಆ್ಯಂಡ್‌ ಕ್ವೀನ್‌’ ಸಿನಿಮಾದಲ್ಲಿ ನಾಯಕಿಯಾಗಿ ಕಾಣಿಸಿ ಕೊಳ್ಳುತ್ತಿದ್ದು, ಇತ್ತೀಚೆಗಷ್ಟೇ ಈ ಸಿನಿಮಾದ ಮೊದಲ ಪೋಸ್ಟರ್‌ ಬಿಡುಗಡೆಯಾಗಿದೆ.

ಯುವನಟ ಶ್ರೇಯಸ್‌ ಚಿಂಗ ನಾಯಕನಾಗಿ ಹಾಗೂ ಇತಿ ಆಚಾರ್ಯ ನಾಯಕಿಯಾಗಿ ಅಭಿನಯಿಸುತ್ತಿರುವ “ಕಿಂಗ್‌ ಆ್ಯಂಡ್‌ ಕ್ವೀನ್‌’ ಚಿತ್ರದಲ್ಲಿ ಹಿರಿಯ ನಟ ಜಗ್ಗೇಶ್‌ ಪುತ್ರ ಯತಿರಾಜ್‌ ಈ ಸಿನಿಮಾದ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಉಳಿದಂತೆ ಶೋಭರಾಜ್‌, ಲಲಿತಾ ಇತರ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸುತ್ತಿದ್ದಾರೆ. ಹಲವು ವರ್ಷಗಳ ಕಾಲ ನಿರ್ದೇಶನ ವಿಭಾಗದಲ್ಲಿ ಕೆಲಸ ಮಾಡಿದ ಅನುಭವವಿರುವ ಅರ್ಜುನ್‌ ಸುಬ್ರಹ್ಮಣ್ಯ ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ.