ವೇದಿಕೆಯಲ್ಲಿ ನಟಿ ಮೇಲೆ ಕೈಹಾಕಿ ಅನುಚಿತ ವರ್ತನೆ: ವಿಡಿಯೋ ವೈರಲ್‌ ಬೆನ್ನಲ್ಲೇ ವಿದ್ಯಾರ್ಥಿ ಅಮಾನತು  

Team Udayavani, Jan 21, 2023, 5:52 PM IST

ತಿರುವನಂತಪುರಂ: ಸಿನಿಮಾ ಸ್ಟಾರ್‌ ಗಳ ಜೊತೆ ಫೋಟೋ ತೆಗೆಯಲು ಅವಕಾಶ ಸಿಕ್ಕರೆ ಅದಕ್ಕಿಂತ ದೊಡ್ಡ ಖುಷಿ ಅಭಿಮಾನಿಗಳಿಗೆ ಬೇರೇನಿಲ್ಲ. ಇತ್ತೀಚೆಗೆ ಕೇರಳದಲ್ಲಿ ನಟಿಯೊಬ್ಬರ ಕೈಕುಲುಕುವ ವೇಳೆ ವಿದ್ಯಾರ್ಥಿಯೊಬ್ಬ ಅನುಚಿತವಾಗಿ ವರ್ತಿಸಿದ ವಿಡಿಯೋ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು.

ಎರ್ನಾಕುಲಂ ಕಾನೂನು ಕಾಲೇಜಿನಲ್ಲಿ ಖ್ಯಾತ ನಟಿ ಅಪರ್ಣಾ ಬಾಲಮುರಳಿ ʼತಂಗಂʼ ಚಿತ್ರದ ಪ್ರಚಾರಕ್ಕಾಗಿ ಸಿನಿಮಾ ತಂಡದೊಂದಿಗೆ ಬಂದಿದ್ದರು. ಈ ವೇಳೆ ಹಲವು ವಿದ್ಯಾರ್ಥಿಗಳನ್ನು ಭೇಟಿಯಾಗಿ ಅವರೊಂದಿಗೆ ಫೋಟೋ ತೆಗೆದುಕೊಂಡು, ಅಭಿಮಾನಿಗಳೊಂದಿಗೆ ಕಾಲ ಕಳೆದಿದ್ದಾರೆ. ವೇದಿಕೆಯಲ್ಲಿ ನಟಿಯನ್ನು ಭೇಟಿಯಾಗಲು ವಿಷ್ಣು ಎಂಬ ವಿದ್ಯಾರ್ಥಿಯೊಬ್ಬ ಬಂದು ಕೈಕುಲುಕಿದ್ದಾನೆ. ಈ ವೇಳೆ ಕೈ ಕುಲುಕಿ ನಟಿಯನ್ನು  ಸ್ಪರ್ಶಿಸಲು ಹೋಗಿದ್ದಾರೆ. ಇದಕ್ಕೆ ನಟಿ ಕೂಡಲೇ ಆತನಿಂದ ದೂರ ಸರಿದಿದ್ದಾರೆ.

ಇದನ್ನೂ ಓದಿ: ‌ಪ್ರತಿ ವರ್ಷದಂತೆ ಈ ವರ್ಷವೂ ಕೋಟಿ ಕೋಟಿ ಬ್ಯುಸಿನೆಸ್: ʼಸಂಕ್ರಾಂತಿ ಹಬ್ಬʼಕ್ಕೆ ಕಾಲಿವುಡ್‌, ಟಾಲಿವುಡ್ ಕಿಂಗ್

ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದ್ದಂತೆ, ವಿದ್ಯಾರ್ಥಿಗೆ ಕಾಲೇಜು ಮಂಡಳಿ ನೋಟಿಸ್‌ ಕಳುಹಿಸಿದೆ. ಇದಾದ ಬಳಿಕ ಆತನನ್ನು ಕಾಲೇಜಿನಿಂದ ಅಮಾನತು ಮಾಡಿದ್ದಾರೆ.

ಕಾಲೇಜು ಯೂನಿಯನ್‌ ವಿದ್ಯಾರ್ಥಿಯ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿ ಪ್ರತಿಭಟನೆ ಮಾಡಿತ್ತು.

A college student misbehaved with actress Aparna Balamurali during the promotion function of Thangam movie. @Vineeth_Sree I’m surprised about your silence 🙏 What the hell #Thankam film crew doing there.
@Aparnabala2 #AparnaBalamurali pic.twitter.com/icGvn4wVS8

— Mollywood Exclusive (@Mollywoodfilms) January 18, 2023